టీజర్ తోనే అదరగొడుతున్న 'టక్ జగదీష్'

నేచురల్ స్టార్ నానీ హీరో హీరోగా నటించిన టక్ జగదీష్ మూవీ టీజర్ యూట్యూబ్ లో దూసుకుపోతోంది. రెండు నెలల కిందట విడుదలైన టక్ జగదీష్ టీజర్ ఇప్పటిదాకా 11 మిలియన్ వ్యూస్ సాధించి దూసుకెళ్తోంది. నాని-శివ నిర్వాణ కాంబినేషన్ లో తెరకెక్కిన మొదటి చిత్రం 'నిన్ను కోరి'. ఈ సినిమా బాక్సాఫీస్ వద్ద ఘన విజయాన్ని సాధించింది. మొదటి చిత్రంతోనే శివ నిర్వాణ చక్కటి ప్రతిభ చాటారు. వీరిద్దరి కాంబినేషన్లో తాజాగా తెరకెక్కుతున్న సినిమా టక్ జగదీష్ పై ప్రేక్షకుల్లో అంచనాలు భారీగానే ఉన్నాయి.

అన్నదమ్ముల కథ తో రూపొందుతున్న ఈ సినిమాలో నాని సరసన రీతూ  వర్మ,ఐశ్వర్య రాజేష్ హీరోయిన్లుగా నటిస్తున్నారు. తమన్ మ్యూజిక్ అందజేస్తున్నారు. షైన్ స్క్రీన్స్ పతాకంపై సాహు గారు పార్టీ హరీష్ ప్రతి ఈ చిత్రాన్ని నిర్మిస్తున్నారు.కాగా ఫిబ్రవరి 24న నాని బర్త్ డే సందర్భంగా  టక్ జగదీష్ మూవీ టీజర్ ను ఒక రోజు ముందు విడుదల చేశారు. ఈ టీజర్ లో ఒక్క డైలాగ్ కూడా లేదు. పాట ద్వారా చిత్ర నేపథ్యాన్ని వివరించారు. 'నిన్ను చూసి నికరంగా రొమ్ము ఇరుచుకున్నాది' అంటూ సాగే పాటలో కుటుంబం కోసం జగదీష్ ఏమేమి చేసాడో వివరించారు.

 ఈ టీజర్ ప్రేక్షకులను విపరీతంగా ఆకట్టుకుంటోంది. ఈ టీజర్  ఇప్పటి దాకా యూట్యూబ్లో 11 మిలియన్ వ్యూస్ సాధించింది.  నాని 'వీ' మూవీ తర్వాత నటిస్తున్న  ఈ చిత్రంపై ప్రేక్షకుల్లో అంచనాలు భారీగానే ఉన్నాయి. నిన్ను కోరి వంటి క్లాసిక్ హిట్ తర్వాత నానితో శివ నిర్వాణ సినిమా చేస్తుండడంతో మరోసారి హిట్ పక్కా అని నాని అభిమానులు అంటున్నారు. కాగా ఏప్రిల్ 23 న టక్ జగదీష్ సినిమా విడుదల కావాల్సి ఉండగా కరోనా  కారణంగా వాయిదా పడింది.