ఆర్ఆర్ఆర్ లో పాతికేళ్లు గుర్తుండేలా ఓ పాట

టాలీవుడ్ జక్కన్న రాజమౌళి సినిమా అంటే ఓ రేంజ్ ఉంటుంది. అలాంటి సినిమాల్లో ఏదైనా ప్రత్యేకమైన ఎలిమెంట్‌ పై ఆయన మరింత ప్రత్యేక శ్రద్ద పెడితే ఇంకా ఏమైనా ఉందా.. అది కొన్ని సంవత్సరాల పాటు అలా గుర్తుండి పోయేలా ఉంటుంది అనడంలో సందేహం లేదు. ఈ సినిమాలో కూడా ఒక పాటను అత్యంత ప్రతిష్టాత్మకంగా తీసుకుని మరీ జక్కన్న తెరకెక్కించబోతున్నాడట. ఆ పాట కోసం జక్కన్న తీసుకుంటున్న జాగ్రత్తలు పెడుతున్న శ్రద్ద ఈమద్య కాలంలో ఏ సినిమాలోని పాటకు పెట్టలేదని అంటున్నారు.

ఇటీవలే విజయేంద్ర ప్రసాద్‌ మాట్లాడుతూ ఈ సినిమాలోని ఫైట్స్‌ చూస్తుంటే కన్నీరు వస్తాయంటూ అంచనాలు పీక్స్‌ కు వెళ్లేలా వ్యాఖ్యలు చేశాడు. ఫైట్స్ మాత్రమే కాకుండా పాటలు కూడా ఈ సినిమాలో చాలా ప్రత్యేకంగా ఉంటాయని యూనిట్‌ సభ్యులు చెబుతున్నారు. ముఖ్యంగా ఈ సినిమాలో ఇద్దరు హీరోల మీద ఒక పాట ఉంటుందట. ఆ పాట ను జక్కన్న షూటింగ్ చివర్లో ప్లాన్‌ చేశాడు. ఆ పాట పూర్తి చేసి గుమ్మడికాయ కొట్టబోతున్నారు. చివర్లో ఆ పాటను చాలా అద్బుతంగా చిత్రీకరించేందుకు జక్కన్న ప్లాన్‌ చేశాడట.

ఆర్ఆర్‌ఆర్ సినిమాలో ఇద్దరు హీరోలతో వచ్చే ఆ పాట పాతికేళ్ల పాటు గుర్తుండి పోయేలా ఉంటుందని.. జక్కన్న సినిమా పాట అన్నట్లుగా ఒక ట్రెండ్‌ సెట్‌ చేస్తుందని యూనిట్‌ సభ్యులు చెబుతున్నారు. భారీ సెట్టింగ్‌ తో పాటు విజువల్ ఎఫెక్ట్స్‌.. క్రౌడ్‌.. టెక్నికల్‌ వ్యాల్యూ ఇలా ప్రతి దాంట్లో కూడా భారీతనం కనిపించేలా జక్కన్న ఆ పాటను చిత్రీకరిస్తాడని తెలుస్తోంది. మొత్తానికి ఆ పాట కోసమే మళ్లీ సినిమా చూడాలనిపించేలా ఉంటుందని అంటున్నారు.