'వైల్డ్ డాగ్' కోసం 'ఆచార్య'

'కింగ్' అక్కినేని నాగార్జున నటిస్తున్న ''వైల్డ్ డాగ్'' చిత్రాన్ని సమ్మర్ కానుకగా ఏప్రిల్ 2న విడుదల చేయడానికి సన్నాహాలు చేస్తున్నారు. ఈ నేపథ్యంలో ప్రచార కార్యక్రమాలు నిర్వహిస్తున్న మేకర్స్.. సినిమా ట్రైలర్ ని రెడీ చేశారు. అయితే మెగాస్టార్ చిరంజీవి ఈ ట్రైలర్ ను రేపు (మార్చి 12) సాయంత్రం గం. 4.05 నిమిషాలకు రిలీజ్ చేయనున్నట్లు చిత్ర యూనిట్ తాజా ప్రకటించింది. టాలీవుడ్ లో చిరంజీవి - నాగార్జున మధ్య ఉండే అనుబంధం గురించి ప్రత్యేకంగా చెప్పుకోవాల్సిన అవసరం లేదు. వీరిద్దరూ స్నేహితులుగా కంటే అన్నదమ్ములుగా మెలుగుతుంటారు. ఈ క్రమంలోనే ఇప్పుడు 'వైల్డ్ డాగ్' కి సపోర్ట్ గా 'ఆచార్య' నిలబడుతున్నాడు.

కొత్త దర్శకుడు అహిషోర్ సాల్మోన్ తెరకెక్కిస్తున్న ఈ యాక్షన్ ఎంటర్టైనర్ ని మాట్నీ ఎంటర్‌టైన్మెంట్స్ బ్యానర్‌ పై నిరంజన్ రెడ్డి - అన్వేష్ రెడ్డి నిర్మిస్తున్నారు. ఈ చిత్రంలో నాగ్ 'వైల్డ్ డాగ్' టీమ్ హెడ్ విజయ్ వర్మగా కనిపించనున్నాడు. ఇందులో నాగార్జునకు జోడీగా దియా మీర్జా నటించింది. సయామీ కేర్ - అతుల్ కులకర్ణి - ఆలీ రెజా - ప్రకాష్ సుదర్శన్ - బిలాల్ హుస్సేన్ తదితరులు ఇతర కీలక పాత్రలు పోషించారు. ఈ చిత్రానికి థమన్ సంగీతం సమకూరుస్తున్నాడు. షానెల్ డియో సినిమాటోగ్రఫీ అందించగా.. శ్రవణ్ కటికనేని ఎడిటర్ గా బాధ్యతలు నిర్వర్తించారు. డేవిడ్ యాక్షన్ డైరెక్టర్ గా.. మురళి ఎస్వీ ఆర్ట్ డైరెక్టర్ గా పని చేశారు.