మోష‌న్ పోస్ట‌ర్: చోర్ బ‌జార్ లో బుల్లి బ‌చ్చ‌న్ సాబ్ లా దిగాడు!

డాషింగ్ డైరెక్టర్ పూరి జగన్నాథ్ తనయుడు ఆకాష్ పూరి `మెహ‌బూబా` చిత్రంతో వెండితెర‌కు ప‌రిచ‌య‌మైన సంగ‌తి తెలిసిన‌దే. మొద‌టి సినిమాతోనే ల‌వ‌ర్ బోయ్ గా చ‌క్క‌ని న‌ట‌న‌తో మెప్పించాడు. ఆకాష్ లో గ‌ట్సీ పెర్ఫామెన్స్ ఆక‌ట్టుకుంది. రొమాంటిక్ అత‌డు న‌టిస్తున్న రెండో సినిమా. దీంతో పాటే `చోర్ బజార్` అనే చిత్రంలోనూ న‌టిస్తున్నాడు. హీరోయిన్ గా గెహన సిప్పీ నటిస్తోంది. దళం- జార్జ్ రెడ్డి సినిమాలతో తనదైన‌ మార్కు  క్రియేట్ చేసుకున్న జీవన్ రెడ్డి ఈ సినిమాకు దర్శకుడు. ఐ.వి ప్రొడక్షన్స్ పతాకంపై వీ.ఎస్ రాజు తన తొలి ప్రయత్నంగా ఈ చిత్రాన్ని నిర్మిస్తున్నారు.

లవ్ యాక్షన్ ఎంటర్ టైనర్ చిత్ర‌మిది. ఈ రోజు హీరో ఆకాష్ పూరి బర్త్ డే సందర్భంగా మూవీ టీమ్ ఫస్ట్ లుక్ మోషన్ పోస్టర్ ను విడుద‌ల చేసింది.  టైటిల్ కు తగ్గట్టే ఫస్ట్ లుక్ మాసీగా క‌నిపిస్తోంది. హీరో ఆకాష్ యూత్ ఐక‌న్ లా క‌నిపిస్తున్నాడు. చేతిలో తుపాకుల‌తో ప్ర‌త్య‌క్ష‌మై చోర్ బ‌జార్ యువ‌రాజులా కనిపిస్తున్నాడు. బైక్ ప‌క్క‌నే ఒక ఫోజు...తో  చేతిమీద `బచ్చన్ సాబ్` పేరుతో టాట్టూ కనిపిస్తోంది. మరో చేత్తో గన్ ఫైరింగ్ చేస్తున్న పోస్ట‌ర్ ఎంతో అగ్రెస్సివ్ గా క‌నిపిస్తోంది.

చోర్ బజార్ లో ఉండే సామను అంతా ఈ మోషన్ పోస్టర్ లో కనిపిస్తోంది. దీనికి సురేష్ బొబ్బిలి బ్యాక్ గ్రౌండ్ స్కోర్ అందించారు. మూవీ షూటింగ్ ప్రస్తుతం హైదరాబాద్ పరిసర ప్రాంతాల్లో వేసిన స్పెషల్ సెట్ లో శరవేగంగా జరుగుతుంది. జగదీష్ చీకటి ఈ చిత్రానికి సినిమాటోగ్ర‌ఫీ అందిస్తున్నారు. అల్లూరి సురేష్ వర్మ ఈ చిత్రానికి స‌హ‌నిర్మాత‌.