అక్కినేని హీరో క్రేజు పీక్స్‌లో ఉంది అని చెప్పడానికి ఈ క్లిక్సే ఉదాహరణ. అఖిల్‌ అక్కినేని హీరోగా వినాయక్‌ దర్శకత్వంలో నితిన్‌ నిర్మిస్తున్న సినిమా శరవేగంగా తెరకెక్కుతున్న సంగతి తెలిసిందే. నిన్న అఖిల్‌ పుట్టినరోజు సందర్భంగా ఫస్ట్‌లుక్‌ వీడియోని లాంచ్‌ చేశారు. అందాల సమంత ఈ క్లిప్‌ని ట్విట్టర్‌లో పోస్ట్‌ చేసింది. దీనికి అనూహ్యంగా హిట్స్‌ వచ్చాయి. ఒక్కరోజులో 3లక్షల క్లిక్స్‌ వచ్చాయి. వారంలో మిలియన్లలో అభిమానులు ఈ వీడియోని వీక్షించే అవకాశం ఉంది. అఖిల్‌ ఇందులో కనిపించింది ఓ చిన్న బిట్‌లో అయినా అద్భుతమైన స్టంట్‌తో దర్శనమిచ్చాడు. ఆ స్టంట్‌ స్టయిల్‌ అదిరిపోయింది. అందుకే ఈ క్లిక్స్‌ ఇలా విరుచుకుపడుతున్నాయన్నమాట! ఈనెల 22నుంచి స్పెయిన్‌ సావిల్‌లో నెలరోజుల పాటు కీలక సన్నివేశాల్ని చిత్రీకరిస్తారు. తర్వాత హైదరాబాద్‌లో సెట్‌ వేసి ఓ పాట చిత్రీకరిస్తారు. జూన్‌లో 35రోజుల పాటు ఉగాండాలో షూటింగ్‌ చేస్తారు. డమరుకం ఫేం వెలిగొండ శ్రీనివాస్‌ ఈ చిత్రానికి కథ అందించారు. అనూప్‌ రూబెన్స్‌ సంగీతం అందిస్తున్నారు.