అఖిల్ మూడుకి రంగం రెడీనా!?

అక్కినేని అఖిల్ రెండో సినిమా విషయంలో చాలా జాగ్రత్తలు తీసుకున్న సంగతి తెలిసిందే. మొదటి సినిమా అఖిల్ విషయంలో జరిగిన తప్పు.. మళ్లీ జరగకుండా ఉండేందుకు అక్కినేని టీం అంతా బాగా అలర్ట్ గా ఉంది. అందుకే అఖిల్ రిలీజ్ అయ్యి ఏడాది గడిచినా ఇంకా కొత్త మూవీ ప్రారంభం కాలేదు. మనం.. 24 ఫేమ్ విక్రమ్ కుమార్ తో సినిమా ఖాయం అయినా ఇంకా ప్రారంభం కాలేదు.

ఆ దర్శకుడి పెళ్లి కారణంగా కొన్నాళ్లు వాయిదా పడ్డ మూవీ స్టార్టింగ్.. ఇప్పుడు అఖిల్ నిశ్చితార్ధ వేడుకల కారణంగా మరికొంతకాలం వెనక్కు జరిగింది. ఇక అఖిల్-విక్రమ్ కుమార్ ల మూవీ అనౌన్స్ మెంట్.. షూటింగ్ ప్రారంభానికి అంతా రెడీ అనుకుంటున్న టైంలో షాక్ ఇచ్చేస్తున్నాడీ కుర్ర హీరో. ఏకంగా మూడో మూవీని కూడా లైన్ లో పెట్టేస్తున్నాడట. రీసెంట్ గా రామ్ చరణ్ మూవీ ధృవతో బ్లాక్ బస్టర్ హిట్ సాధించిన సురేందర్ రెడ్డితో అక్కినేని అండ్ టీం సీరియస్ గా చర్చలు జరుపుతోందట.

ఇప్పటికే సూరి చెప్పిన లైన్ కి నాగార్జున ఇంప్రెస్ అయ్యాడని.. అఖిల్-విక్రమ్ ల మూవీ తర్వాత ఇదే చేద్దామని అన్నాడని తెలుస్తోంది. ఈ లెక్కన అఖిల్ థర్డ్ ఖాయం అయిపోయినట్లే అనే టాక్ మొదలైంది. రెండో సినిమా స్టార్ట్ చేయకుండానే.. మూడో మూవీ ఖాయం చేశాడంటే.. అఖిల్ జోరు పెంచేసినట్లే.

Like Us on Facebook : https://www.facebook.com/Tupakidotcom/