ఆలియా అంటేనే ప‌డి చ‌స్తున్న టాలీవుడ్ మేక‌ర్స్.. కార‌ణం ఏమై ఉంటుంది?

బాలీవుడ్ స్టార్ హీరోయిన్ ఆలియా భట్ ఆర్.ఆర్.ఆర్ లాంటి క్రేజీ మూవీతో టాలీవుడ్ లో అడుగుపెడుతున్న సంగ‌తి తెలిసిందే. ఈ చిత్రంలో అల్లూరి(చ‌ర‌ణ్‌) స‌ర‌స‌న సీత‌గా న‌టిస్తోంది. చ‌ర‌ణ్‌- ఆలియా జంట‌పై స‌న్నివేశాల్ని రాజ‌మౌళి ఇప్ప‌టికే తెర‌కెక్కించిన సంగ‌తి తెలిసిందే. ఆలియా ప్ర‌స్తుతం క‌ళాత్మ‌క చిత్రాల ద‌ర్శ‌కుడు భ‌న్సాలీ ద‌ర్శ‌క‌త్వంలో గంగూబాయి క‌తియా వాడీ అనే చిత్రంలో న‌టిస్తోంది.

ఇక ఆర్.ఆర్.ఆర్ భామ ఆలియా‌పై టాలీవుడ్ ద‌ర్శ‌క‌నిర్మాతలు మ‌న‌సు పారేసుకుంటున్నార‌ని తెలిసింది. ఆలియా త‌మ చిత్రంలో న‌టిస్తే పాన్-ఇండియా అప్పీల్ ఉంటుంద‌ని భావించి ప‌లు ఆఫ‌ర్లు ఇచ్చేందుకు సిద్ధ‌మ‌వుతున్నార‌ట‌.ఇప్పటికే కొంతమంది దర్శక నిర్మాత‌లు అలియాను సంప్రదించాలని యోచిస్తున్నారు. అయితే ఆర్.‌ఆర్.‌ఆర్ తర్వాత మరిన్ని తెలుగు సినిమాలు చేయడానికి అలియా భట్ అంగీకరిస్తారా అనేది చూడాలి.

అయినా ఆలియానే మ‌న ద‌ర్శ‌కులు ఎంపిక చేసుకోవాల‌నుకోవ‌డానికి కార‌ణం.. హిందీ మార్కెట్.. బిజినెస్ యాంగిల్ మాత్ర‌మే కాదు.. రాజీ.. గ‌ల్లీబోయ్స్ లాంటి చిత్రాల్లో త‌న అద్భుత న‌ట‌న న‌చ్చ‌డం వ‌ల్ల కూడా చాలామంది మంత్ర‌ముగ్ధులై ఆఫ‌ర్లు ఇస్తున్నార‌ని భావించ‌వ‌చ్చు.