లడ్డూభామలను క్యారీ చేస్తున్న నరేష్

అల్లరి నరేష్.. లడ్డూబాబు అనే సినిమా చేసినా.. అల్లరి నరేష్ మాత్రం నిజానికి బక్కబాబే. కానీ ఈ కామెడీ హీరో చేసే అల్లరి మామూలుగా ఉండదు. తన లేటెస్ట్ మూవీ మామ మంచు అల్లుడు కంచు ప్రచారంలో భాగంగా... ఓ టీవీ షోకి హాజరయ్యాడు నరేష్. ఆ కార్యక్రమానికి హోస్ట్ సీనియర్ హీరోయిన్ రాశి. ఇద్దరూ కలిసి స్టెప్పులేస్తుండగా... మధ్యలో అమాంతం తన రెండు చేతులతో పైకెత్తి తిప్పేశాడు నరేష్.

ఇంతగా చొరవ తీసుకోడానికి కారణం ఉంది. నరేష్ తండ్రి ఈవీవీ సత్యనారాయణ తీసిన సినిమాల్లో హీరోయిన్ గా చేసినప్పటి నుంచి నరేష్ కి, రాశికి ప్రెండ్లీ రిలేషన్ ఉంది. తనకంటే పెద్దదైనా.. చనువుగా మాట్లాడే చొరవ ఉంది. ఈ చనుతోనే.. సరదాగా అలా గాల్లోకి ఎత్తేశాడు. అంతే కాదు ఈ ఇన్సిడెంట్ పై తనే జోక్ కూడా చేశాడు. కార్యక్రమం మధ్యలో నరేష్ ని రాశి ఓ ప్రశ్న అడిగింది. ఒకవైపు మోహన్ బాబు, మరోవైపు రమ్యకృష్ణ మీనాల్లాంటి సీనియర్ హీరోయన్లు, ఇంకోవైపు తన హీరోయిన్.. ఇంతమందిని ఎలా క్యారీ చేశారని రాశి అడిగితే.. "ఇప్పుడు మిమ్మల్ని కేరీ చేయలా.. అలాగే" అంటూ ఆన్సర్ ఇచ్చాడు అల్లరి నరేష్. దీంతో మూతి ముడుచుకుంది రాశి.

అయినా.. రాశి అంటేనే నిండైన భారీ విగ్రహం. అంతపెద్ద పర్సనాలిటీని.. ఇలాంటి బక్కబాబు గాల్లోకి ఎత్తేయగలగడం విచిత్రం అనుకుంటాం కానీ.. నరేష్ కి ఇందులో ఎక్స్ పీరియన్స్ బాగానే ఉంది. గతంలో జబర్దస్త్ జడ్జ్ రోజాను కూడా ఇలాగే గాల్లోకి ఎత్తేశాడు నరేష్. ఏమైనా.. కుర్ర హీరోయిన్లకు లిఫ్ట్ ఇవ్వడమే కాదు.. సీనియర్ హీరోయిన్లను కూడా లిఫ్ట్ చేసేస్తున్నారు అల్లరి నరేష్.