అల్లు అర్జున్ కెరీర్లో పెద్ద హిట్ల లిస్టు తీస్తే అవి చాలా వరకు ఎంటర్టైనర్లే. సీరియస్ సినిమాలు ట్రై చేసిన ప్రతిసారీ అతడికి ఎదురు దెబ్బలే తగిలాయి. అతడి కెరీర్ ఎదుగుదలలో కామెడీ-యాక్షన్ ఎంటర్టైనర్లు కీలక పాత్ర పోషించాయి. ఐతే ఆ ట్రాక్ వదిలేసి ‘నా పేరు సూర్య’ లాంటి సీరియస్ సినిమా చేసి పెద్ద ఎదురు దెబ్బ తిన్నాడు బన్నీ. అతడి సినిమాల్ని అమితంగా ఆదరించే పిల్లలు ఈ చిత్రానికి దూరం కావడంతో వసూళ్లు చాలా తీసికట్టుగా వచ్చాయి. దీంతో ఈసారి పాత దారిలోనే వెళ్లిపోవాలని బన్నీ భావిస్తున్నట్లు సమాచారం. ఇంకా తన తర్వాతి సినిమాపై తేల్చుకోని బన్నీ.. తన దగ్గరికి వచ్చే రచయితలు.. దర్శకుల నుంచి ఎంటర్టైన్మెంట్ ఉన్న స్క్రిప్టులే ఆశిస్తున్నాడట.
మరోవైపు బన్నీ తమ్ముడు అల్లు శిరీష్ కూడా అన్నయ్య బాటలోనే పయనిస్తున్నాడు. ‘ఒక్క క్షణం’ లాంటి సీరియస్ మూవీతో కంగుతిన్న అతను మలయాళంలో విజయవంతమైన కామెడీ ఎంటర్టైనర్ ‘ఏబీసీడీ’ రీమేక్ లోనటించబోతున్నాడు. ఇవి కాక మున్ముందు కూడా కామెడీ.. రొమాంటిక్ సినిమాల్లోనే అతను నటించాలనుకుంటున్నాడట. ‘ఏబీసీడీ’ చిత్రాన్ని సంజీవ్ అనే కొత్త దర్శకుడు రూపొందించబోతున్నాడు. మధుర శ్రీధర్ రెడ్డి.. యాష్ రంగినేని నిర్మాతలు. ఈ చిత్రం కోసం కన్నడ నుంచి ఓ యువ సంగీత దర్శకుడిని తీసుకొస్తున్నారు. అతడి పేరు.. జుదా శాందీ. శిరీష్ తమిళంలో సూర్య కథానాయకుడిగా కె.వి.ఆనంద్ రూపొందించబోయే కొత్త సినిమాలోనూ ఓ కీలక పాత్రలో నటించనున్న సంగతి తెలిసిందే.
మరోవైపు బన్నీ తమ్ముడు అల్లు శిరీష్ కూడా అన్నయ్య బాటలోనే పయనిస్తున్నాడు. ‘ఒక్క క్షణం’ లాంటి సీరియస్ మూవీతో కంగుతిన్న అతను మలయాళంలో విజయవంతమైన కామెడీ ఎంటర్టైనర్ ‘ఏబీసీడీ’ రీమేక్ లోనటించబోతున్నాడు. ఇవి కాక మున్ముందు కూడా కామెడీ.. రొమాంటిక్ సినిమాల్లోనే అతను నటించాలనుకుంటున్నాడట. ‘ఏబీసీడీ’ చిత్రాన్ని సంజీవ్ అనే కొత్త దర్శకుడు రూపొందించబోతున్నాడు. మధుర శ్రీధర్ రెడ్డి.. యాష్ రంగినేని నిర్మాతలు. ఈ చిత్రం కోసం కన్నడ నుంచి ఓ యువ సంగీత దర్శకుడిని తీసుకొస్తున్నారు. అతడి పేరు.. జుదా శాందీ. శిరీష్ తమిళంలో సూర్య కథానాయకుడిగా కె.వి.ఆనంద్ రూపొందించబోయే కొత్త సినిమాలోనూ ఓ కీలక పాత్రలో నటించనున్న సంగతి తెలిసిందే.