ఎక్కడికి పోతావు దువ్వాడ బన్నీ!!

అల్లు అర్జున్ కి స్టైలిష్ స్టార్ అనే బిరుదు అంత తేలిగ్గా రాలేదు. ఒక్కో సినిమాలో ఒక్కో ఫిజిక్ తో ఒక్కో గెటప్ తో ఆకట్టుకోవడం బన్నీ స్టైల్. ప్రాజెక్టుల ఎంపికలో ఆ వైవిధ్యం చూపించడమే.. వరుసగా భారీ హిట్స్ సాధించడానికి అసలు కారణం. సరైనోడు లాంటి ఊర మాస్ హిట్ తర్వాత బన్నీ ఎలాంటి సినిమా ఎంచుకుంటాడా అని అందరూ ఎదురుచుస్తున్న సమయంలో.. హరీష్ శంకర్ తో 'డీజే-దువ్వాడ జగన్నాధం' అనౌన్స్ చేసి ఆల్మోస్ట్ షాక్ ఇచ్చాడు.

డీజే షూటింగ్ ఇంకా మొదలు కూడా కాకముందే.. అంతలోనే లింగుస్వామితో బైలింగ్యువల్ అనేశాడు. ఇప్పుడు బన్నీ నెక్ట్స్ ప్రాజెక్టు కూడా ఖాయం అయిపోయిందనే టాక్ వినిపిస్తోంది. రీసెంట్ గా అల్లు అర్జున్ 'ఎక్కడికి పోతావు చిన్నవాడా' చిత్రాన్ని చూసి బాగా ఎంజాయ్ చేశాడు. ఆ వెంటనే ఫోన్ చేసి మరీ దర్శకుడిని అభినందించాడట. పైగా ఇప్పుడు అల్లు శిరీష్ తో గీతా ఆర్ట్స్ బ్యానర్ పై వీఐ ఆనంద్ ఓ సినిమా చేయబోతున్నాడు కూడా.

ఈ పరిచయం బేస్ చేసుకుని.. అల్లు అర్జున్ కి ఓ స్టోరీ లైన్ చెప్పాడట వీఐ ఆనంద్. ఇది బన్నీకి విపరీతంగా నచ్చడంతో.. శిరీష్ తో మూవీ పూర్తి కాగానే మనం వర్క్ చేద్దాం అనేశాడట. అఫ్ కోర్స్.. ఇది అల్లు శిరీష్ మూవీ సక్సెస్ పై బేస్ అయి ఉంటుందని అంటున్నారు కానీ.. హిట్ ఫ్లాపులతో సంబంధం లేకుండా తనకు నచ్చిన పని చేసేయడం బన్నీకి బాగా అలవాటు. ఆ ప్రకారం ఎక్కడికిపోతావు చిన్నవాడా డైరెక్టర్ తో బన్నీ మూవీ ఖాయమైనట్లే అంటున్నారు సినీ జనాలు.

Like Us on Facebook : https://www.facebook.com/Tupakidotcom/