చేతిలో ఏమిటది బన్నీ?

అల్లు అర్జున్ లేటెస్ట్ ఫిలిం దువ్వాడ జగన్నాథమ్ రిలీజ్ కు సిద్ధమైంది. ఈ మధ్యనే ఆడియో రిలీజ్ ఫంక్షన్ కూడా చేశారు. ఈ ఫంక్షన్ మొత్తం బన్నీ చేతుల్లో ఓ చిన్న ఆట వస్తువు లాంటిది కనిపించింది. ఫంక్షన్ జరిగినంతసేపు దానిని చేతుల్లో ఆడిస్తూనే ఉన్నాడు. ఆడియో ఫంక్షన్ లో అల్లు అర్జున్ నే చూస్తున్న వారికి అతడి చేతుల్లో ఉన్న వస్తువేమిటా అనేది ఆసక్తి కలిగించింది. ఈ ఫంక్షన్ కు అర్జున్ కొడుకు అయాన్ వచ్చాడు. కాబట్టి అది అతడికి సంబంధించి ఆట వస్తువేమో చాలామంది అనుకున్నారు.

అయితే డీజే షూటింగ్ ప్లేస్ ఫొటోలు - మేకింగ్ వీడియోలు చూసిన వారికి అదే ఆట వస్తువు బన్నీ చేతుల్లో కనిపించింది. షాట్ గ్యాప్ లో కూడా ఆ వస్తువు చేతుల్లోనే ఉంది. డైరెక్టర్ హరీష్ శంకర్ తో ముచ్చటించే సమయంలో... మానిటర్ ను అబ్జర్వ్ చేస్తున్న సమయంలోనూ దానిని వదలలేదు. లేటెస్ట్ గా రిలీజైన సీటీమార్ పాట వీడియో ప్రోమోలో కూడా అదే వస్తువు కనిపించింది. దీంతో ఆ వస్తువేమిటా అని అభిమానుల్లో విపరీతమైన ఆసక్తి నెలకొంది. అదేమిటంటే ‘ఫిడ్జెట్ స్పిన్నర్’. దీనినే ట్రై స్పిన్నర్ అని కూడా అంటారు. ఒత్తిడి తగ్గించుకోవడానికి కొంతమంది దీనిని ఉపయోగిస్తుంటారు. 1993లోనే దీనిని కనిపెట్టారు. కానీ ఇప్పుడు దానికి పాపులారిటీ వచ్చింది.

డీజే సినిమాలో ఈ ఫిడ్జెట్ స్పిన్నర్ ఎందుకు వాడాడా అని ఆరా తీస్తే... ఈ సినిమాలో హై ఎమోషన్ ఉన్న యువకుడిగా అల్లు అర్జున్ కనిపించనున్నాడు. ఈ స్పిన్నర్ ను ఆడిస్తూ యాంగ్జైటీ తగ్గించుకుంటాడని చెబుతున్నారు. గతంలో నితిన్-సమంత జంటగా వచ్చిన అ..ఆ సినిమాలో సమంత చేతిలో ఓ పసుపు పచ్చ బాల్ కనిపిస్తుంటుంది. స్ట్రెస్ తగ్గించుకోవడానికి ఈ బాల్ చేతుల్లో ఉ్ంచుకుంటుంది. ఇప్పుడు అర్జున్ స్పిన్నర్ తో కనిపిస్తున్నాడు. మొత్తానికి అర్జున్ ఫుణ్యమా అని ఈ స్పిన్నర్ కు మంచి పాపులారిటీయే వస్తోంది.

Like Us on Facebook : https://www.facebook.com/Tupakidotcom/