సెన్సార్ పూర్తి చేసుకుని రిలీజ్ కి రెడీ అయిన 'అల్లుడు అదుర్స్'

బెల్లంకొండ సాయి శ్రీనివాస్ నటిస్తున్న లేటెస్ట్ మూవీ ''అల్లుడు అదుర్స్''. 'కందిరీగ' ఫేమ్ సంతోష్ శ్రీనివాస్ ఈ చిత్రానికి దర్శకత్వం వహించారు. గంజి రమేష్ కుమార్ సమర్పణలో సుమంత్ మూవీ ప్రొడ‌క్షన్స్ బ్యాన‌ర్‌ పై గొర్రెల సుబ్రహ్మణ్యం ఈ చిత్రాన్ని నిర్మించాడు. ఇందులో నభా నటేష్ - అనూ ఇమాన్యుల్ హీరోయిన్స్ గా నటించారు. సంక్రాంతి కానుకగా జనవరి 15న ఈ చిత్రాన్ని ప్రేక్షకుల ముందుకు తీసుకురానున్నారు. ఈ నేపథ్యంలో ప్రచార కార్యక్రమాల స్పీడ్ పెంచిన చిత్ర యూనిట్.. తాజాగా 'అల్లుడు అదుర్స్' సినిమా సెన్సార్ కార్యక్రమాలు పూర్తి చేశారు.

ఈ కమర్షియల్ అండ్ ఫ్యామిలీ ఎంటర్టైనర్ కి 'యూ/ఏ' సెన్సార్ సర్టిఫికేట్ ఇచ్చారు. 'అల్లుడు అదుర్స్' సినిమా నిడివి 149 నిమిషాలు(2 గంటల 29 నిమిషాలు) ఉన్నట్లు తెలుస్తోంది. ఈ సినిమా సంక్రాంతి పండుగకు ఫ్యామిలీతో కలిసి చూసే మంచి ఎంటర్టైనర్ అని చిత్ర యూనిట్ చెబుతోంది. ఈ చిత్రానికి రాక్‌ స్టార్ దేవిశ్రీ ప్రసాద్ సంగీతం సమకూర్చగా.. ఛోటా కె. నాయుడు సినిమాటోగ్రాఫర్ గా వ్యవహరించారు. ఇందులో ప్రకాష్ రాజ్ - సోనూసూద్ - వెన్నెల కిషోర్ - సత్య - బ్రహ్మాజీ - సప్తగిరి తదితరులు ఇతర ప్రధాన పాత్రల్లో కనిపిస్తున్నారు. బిగ్ బాస్ బ్యూటీ మోనాల్ స్పెషల్ సాంగ్ లో నర్తించింది. 'రాక్షసుడు' వంటి సూపర్ హిట్ తర్వాత బెల్లంకొండ సాయి శ్రీనివాస్ నుంచి వస్తున్న 'అల్లుడు అదుర్స్' చిత్రంపై మంచి అంచనాలే ఉన్నాయి.