వేపకాయంత వెర్రి ఉంటే ఫర్వాలేదు కానీ, గుమ్మడి కాయ రేంజుకి అది ఎదిగేస్తే కష్టం. అభిమానం పేరుతో పిచ్చి పరాకాష్టలో ఉందని చెప్పడానికి ఈ ఉదాహరణ చాలు. సెలబ్రిటీలు కనిపిస్తే చాలు మీదికి లంఘించి ఉక్కిరి బిక్కిరి చేసేయడమే కాకాకుండా ఫోటోలు తీసుకుని అందులోనే క్షణికానందం పొందడం అదో రకం ఆనందం. ఇటీవలి కాలంలో సెల్ఫీల పేరుతో ఆ పిచ్చి కాస్తా పరాకాష్టకి చేరుకుంది. ఇప్పుడు అంతకుమించిన హైట్స్‌కి ఎదిగేసింది ఈ వెర్రితనం.
ఈరోజు ట్విట్టర్‌లో బిగ్‌బి అమితాబ్‌ ట్వీట్లు చదివిన ఎవరికైనా ఈ ఘోరకలి ఏంటి మహాప్రభో అనిపించక మానదు. అదేంటో ఆయన మాటల్లోనే విందాం. 'నా క్లోజ్‌ ఫ్రెండ్‌ .. ఈ క్షణం వరకూ నాతో ముచ్చటిస్తున్న స్నేహితుడు .. హఠాత్తుగా చనిపోయాడు. జీవితం క్షణికమైనది. ఆ మరణం నన్ను వేధించింది. హుఠాహుటీన ఢిల్లీ బయల్దేరాను. అక్కడ అతడి అంత్యక్రియల్లో పాల్గొన్నా. అయితే ఆ సందర్భంలో కొందరు సెల్ఫీలు దిగడం కోసం పోటీపడ్డారు. అది నా మనసును తీవ్రంగా కలిచివేసింది. సెల్ఫీలకు అది సందర్భమా? కాస్తయినా ఇంగితం ఉందా? ఓ వైపు చనిపోయిన శవం అంత్యక్రియలకు సిద్ధమవుతుంటే ఇలా వెర్రితనం చూపిస్తారా? అంటూ బిగ్‌బి విచారాన్ని వ్యక్తపరిచారు.
ఎంత అభిమానులు అయినా సమయం, సందర్భం లేకుండా ఇలా శవం సమక్షంలో సెల్ఫీలు దిగడం ఘోరంగా లేదూ?
ఈరోజు ట్విట్టర్‌లో బిగ్‌బి అమితాబ్‌ ట్వీట్లు చదివిన ఎవరికైనా ఈ ఘోరకలి ఏంటి మహాప్రభో అనిపించక మానదు. అదేంటో ఆయన మాటల్లోనే విందాం. 'నా క్లోజ్‌ ఫ్రెండ్‌ .. ఈ క్షణం వరకూ నాతో ముచ్చటిస్తున్న స్నేహితుడు .. హఠాత్తుగా చనిపోయాడు. జీవితం క్షణికమైనది. ఆ మరణం నన్ను వేధించింది. హుఠాహుటీన ఢిల్లీ బయల్దేరాను. అక్కడ అతడి అంత్యక్రియల్లో పాల్గొన్నా. అయితే ఆ సందర్భంలో కొందరు సెల్ఫీలు దిగడం కోసం పోటీపడ్డారు. అది నా మనసును తీవ్రంగా కలిచివేసింది. సెల్ఫీలకు అది సందర్భమా? కాస్తయినా ఇంగితం ఉందా? ఓ వైపు చనిపోయిన శవం అంత్యక్రియలకు సిద్ధమవుతుంటే ఇలా వెర్రితనం చూపిస్తారా? అంటూ బిగ్‌బి విచారాన్ని వ్యక్తపరిచారు.
ఎంత అభిమానులు అయినా సమయం, సందర్భం లేకుండా ఇలా శవం సమక్షంలో సెల్ఫీలు దిగడం ఘోరంగా లేదూ?