మెగాభిమానులకు నేనంటే పడదు

హాట్ యాంకర్ అనసూయ ఇప్పుడు ఐటెం సాంగ్ చేసి అభిమానులను అలరించేసింది. విన్నర్ మూవీలో ఓ స్థాయికి మించి అందాల ప్రదర్శన చేసి.. బాగానే రచ్చ చేసింది. 'సూయా సూయా' అంటూ సాగిన పాటలో.. అందాల విందుతో అనసూయ అలరించేసింది. ఇప్పుడు బాక్సాఫీస్ దగ్గర విన్నర్ స్లో అవడంతో.. ప్రమోషన్స్ పై దృష్టి పెట్టింది యూనిట్.

తాజాగా తేజు.. వెన్నెల కిషోర్.. పృథ్వీలతో కలిసి ఓ ఇంటర్వ్యూ ఇచ్చింది అనసూయ. ఈ ఇంటర్వ్యూలో భాగంగా పిచ్చాపాటీ మాట్లాడుతూ.. 'నాకు ఇంత మంచి పాటను ఇచ్చారు మ్యూజిక్ డైరెక్టర్ థమన్. ఆయనకు థ్యాంక్యూ చెప్పాలి. అక్కడి నుంచి అసలే మెగాభిమానులు పొంగి పొర్లిపోతూ ఉంటారు. అసలే నా మీద మొదటి నుంచి ఇలా ఉంటారు' అంటూ చేతివేళ్లతోనే తుపాకి సింబల్ ను చూపించేసింది అనసూయ.

'ఎందుకండీ' అంటూ సాయిధరం తేజ్ క్వశ్చన్ చేస్తే.. 'ఎందుకు లెండి.. మా కష్టాలు మాకుంటాయ్' అంటూ మాట దాటేసింది ఈ హాట్ యాంకర్. 'సర్లేండి ఆ టాపిక్ వద్దులే' అంటూ తేజు కూడా కవర్ చేశాడు కానీ.. అప్పట్లో అత్తారింటికి దారేది చిత్రంలో ఐటెం సాంగ్ విషయంలో అనసూయ బెట్టు చేసి బింకం చూపించినపుడు.. మెగా ఫ్యాన్స్ ఈమెపై కాసిన్ని విమర్శలు గుప్పించారు. ఇంకా ఆ విషయం మర్చిపోలేదన్న మాట అనసూయ.

Like Us on Facebook : https://www.facebook.com/Tupakidotcom/