టాలీవుడ్లోనే కాదు.. ఈ మధ్య బాలీవుడ్ లో సైతం వారసుల హవా సాగుతోంది. పెద్ద ఫ్యామిలీస్ కు చెందిన అబ్బాయిలు - అమ్మాయిలను ఇండస్ట్రీకి పరిచయం చేస్తూ చాలా హంగామా చేస్తున్నారు. గత మూణ్నాలుగేళ్లలో వరుణ్ ధావన్ - టైగర్ ష్రాఫ్ - సూరజ్ పంచోలి లాంటి యువ కథానాయకులు పరిచయమయ్యారు. వీళ్ల అరంగేట్రం సందర్భంగా ఎంత హంగామా జరిగిందో తెలిసిందే. ఈ కోవలోనే అనిల్ కపూర్ తన కొడుకు హర్షవర్ధన్ కపూర్ బాలీవుడ్ ఎంట్రీకి భారీగా సన్నాహాలు చేస్తున్నాడు. ఆల్రెడీ హర్షవర్ధన్ అక్క సోనమ్ కపూర్.. దాదాపు దశాబ్దం కిందట ఇండస్ట్రీలోకి అడుగుపెట్టి.. ఇప్పుడు మంచి పొజిషన్ కు చేరింది. ఇప్పుడు అబ్బాయిని కూడా పెద్ద హీరోను చేయాలని చూస్తున్నాడు అనిల్ కపూర్.
హర్షవర్ధన్ కపూర్ ఇప్పటికే బాలీవుడ్ లో కొన్ని సినిమా వేడుకలకు హాజరై.. తన లుక్స్ తో ఆకట్టుకున్నాడు. అతణ్ని హీరోగా పరిచయం చేయడానికి పర్ ఫెక్ట్ సెటప్ రెడీ చేశాడు అనిల్. రాకేశ్ ఓం ప్రకాశ్ మెహ్రా లాంటి టాప్ డైరెక్టర్ దర్శకత్వంలో కొడుకును హీరోగా పరిచయం చేస్తుండటం విశేషం. ఆ సినిమా పేరు ‘మిర్జియా’. ఓ చారిత్రక కథాంశం నేపథ్యంలో ఈ సినిమా తెరకెక్కుతోంది. ఈ సినిమా ఫస్ట్ లుక్ పోస్టర్ ఆల్రెడీ సెన్సేషన్ క్రియేట్ చేసింది. హర్ష ముఖం చూపించకుండా ముసుగు కప్పి సముద్ర ప్రవాహాన్ని ఈదుతున్నట్లుగా చూపించారు. ఈ సినిమాలో హీరోయిన్ గా సయామీ ఖేర్ నటిస్తుండటం విశేషం. ఈ అమ్మాయి ఆల్రెడీ తెలుగులో ‘రేయ్’ సినిమా చేసింది. బాలీవుడ్ లో ఆమెకు ‘మిర్జియా’నే తొలి సినిమా. తొలిసారి డెబ్యూ హీరో హీరోయిన్లతో పని చేయడం కొత్తగా ఉందని.. ఈ ఏడాది అక్టోబరు 7న ‘మిర్జియా’ ప్రేక్షకుల ముందుకొస్తుందని ప్రకటించాడు మెహ్రా. మరి అనిల్ వారసుడు తొలి ప్రయత్నంలో ఎలాంటి ఫలితాన్నందుకుంటాడో చూడాలి.
హర్షవర్ధన్ కపూర్ ఇప్పటికే బాలీవుడ్ లో కొన్ని సినిమా వేడుకలకు హాజరై.. తన లుక్స్ తో ఆకట్టుకున్నాడు. అతణ్ని హీరోగా పరిచయం చేయడానికి పర్ ఫెక్ట్ సెటప్ రెడీ చేశాడు అనిల్. రాకేశ్ ఓం ప్రకాశ్ మెహ్రా లాంటి టాప్ డైరెక్టర్ దర్శకత్వంలో కొడుకును హీరోగా పరిచయం చేస్తుండటం విశేషం. ఆ సినిమా పేరు ‘మిర్జియా’. ఓ చారిత్రక కథాంశం నేపథ్యంలో ఈ సినిమా తెరకెక్కుతోంది. ఈ సినిమా ఫస్ట్ లుక్ పోస్టర్ ఆల్రెడీ సెన్సేషన్ క్రియేట్ చేసింది. హర్ష ముఖం చూపించకుండా ముసుగు కప్పి సముద్ర ప్రవాహాన్ని ఈదుతున్నట్లుగా చూపించారు. ఈ సినిమాలో హీరోయిన్ గా సయామీ ఖేర్ నటిస్తుండటం విశేషం. ఈ అమ్మాయి ఆల్రెడీ తెలుగులో ‘రేయ్’ సినిమా చేసింది. బాలీవుడ్ లో ఆమెకు ‘మిర్జియా’నే తొలి సినిమా. తొలిసారి డెబ్యూ హీరో హీరోయిన్లతో పని చేయడం కొత్తగా ఉందని.. ఈ ఏడాది అక్టోబరు 7న ‘మిర్జియా’ ప్రేక్షకుల ముందుకొస్తుందని ప్రకటించాడు మెహ్రా. మరి అనిల్ వారసుడు తొలి ప్రయత్నంలో ఎలాంటి ఫలితాన్నందుకుంటాడో చూడాలి.