కత్రినాను ఏడిపించిన అర్జున్ కపూర్!

బాలీవుడ్ లో ప్రస్తుతం కత్రినా కైఫ్ టైం నడుస్తోంది. ఇండస్ట్రీలోకి వచ్చిన కొత్తలో ఐరన్ లెగ్ గా పేరు తెచ్చుకొని ఆ తర్వాత వరుస విజయాలతో స్టార్ హీరోయిన్ గా ఎదిగింది. ఇటీవల సల్మాన్ ఖాన్ హీరో గా తెరకెక్కిన టైగర్ జిందాహై సినిమాతో మరో బ్లాక్ బస్టర్ హిట్ ను తన ఖాతాలో వేసుకుంది. సోషల్ మీడియాలో యాక్టివ్ గా ఉండే హీరోయిన్లలో కత్రినా ఒకరు.. తాజాగా తన ఇన్ స్టాగ్రామ్ ఖాతాలో బ్లాక్ డ్రెస్ వేసుకొని బ్లాక్ బ్యాక్ గ్రౌండ్ తో ఫోజులిస్తున్న ఓ వీడియోను షేర్ చేసింది.

 కత్రినా విడుదల చేసిన ఈ స్లో మోషన్ వీడియోపై బాలీవుడ్ హీరో అర్జున్ కపూర్ స్పందించాడు.  ‘కత్రినా.. నీకు డాండ్రఫ్ ఉందా.? ’ అని అడిగాడు.. దానికి కత్రినా బదులిస్తూ.. ‘బాధపడకు.. నాకు తెలుసు నీకు కూడా ఇలా ట్రై చేయాలనిపిస్తోందని.. మనిద్దరం కలిసి చేద్దామని’ అర్జున్ కపూర్ కు  సెటైర్ వేసింది.  

ఇక కత్రినా సెటైర్ కు అర్జున్ కపూర్ కూడా బదులిచ్చాడు.. ‘ప్రస్తుతం ఆల్ క్లియర్.. గుడ్ జాబ్ కత్రినా’ అని కామెంట్ పెట్టాడు. ఇలా ఇద్దరి మధ్య సరదా సరదాగా సాగిన కామెంట్స్ నెటిజన్లను ఆకర్షించాయి.

కత్రినా కైఫ్ ప్రస్తుతం దబాంగ్ టూర్ లో భాగంగా అమెరికాలో ఉన్నారు. అమీర్ ఖాన్ - అమితాబ్ బచ్చన్ కాంబినేషన్ లో వస్తున్న ‘థగ్స్ ఆఫ్ హిందుస్తాన్’ సినిమాలోనూ కత్రినా నటిస్తోంది.