మూడేళ్లు అయినా ఇంకా అదే పేరు వినిపిస్తుంది!

టాలీవుడ్ సినిమాల్లో రొమాంటిక్‌ సీన్స్‌ మరియు బోల్డ్‌ సీన్స్‌ ఉంటే ప్రేక్షకులు దాన్ని బి గ్రేడ్‌ మూవీగా అభివర్ణిస్తారు. అది ఒక బూతు సినిమాగా చెప్పుకుంటారు. కాని అర్జున్‌ రెడ్డి తెలుగు ప్రేక్షకుల అభిరుచిని ఆలోచన విధానంను మార్చేసిన సినిమా అర్జున్‌ రెడ్డి. ఇది ఒక ట్రెండ్‌ సెట్టర్‌ మూవీ అనడంలో ఎలాంటి సందేహం లేదు. అద్బుతమైన కథ కాకున్నా కూడా యూత్‌ ఆడియన్స్‌ టార్గెట్‌ గా నడిచే స్రీన్‌ ప్లే అవ్వడం వల్ల సినిమాకు మంచి టాక్‌ వచ్చింది.

విజయ్‌ దేవరకొండ హీరోగా షాలిని పాండే హీరోయిన్‌ గా సందీప్‌ వంగా దర్శకత్వంలో వచ్చిన అర్జున్‌ రెడ్డి సినిమా వచ్చి మూడు ఏళ్లు పూర్తి అయ్యింది. నేడు ఆ సినిమా గురించి సోషల్‌ మీడియాలో హ్యాష్‌ ట్యాగ్‌ ట్రెండ్‌ అవుతోంది. అర్జున్‌ రెడ్డి తెలుగులో సూపర్‌ హిట్‌ అవ్వడంతో హిందీ మరియు తమిళంలో కూడా రీమేక్‌ అయ్యింది. ఆ రీమేక్‌ ల గురించి నిన్న మొన్నటి వరకు వార్తలు వచ్చాయి. దాంతో సినిమా ఇటీవలే విడుదల అయ్యిందా అన్నట్లుగానే ఉంది. విజయ్‌ దేవరకొండకు స్టార్‌ డం తెచ్చి పెట్టిన అర్జున్‌ రెడ్డి కలెక్షన్స్‌ విషయంలో కూడా సరికొత్త నెంబర్స్‌ ను నమోదు చేయడం జరిగింది.

అర్జున్‌ రెడ్డి సక్సెస్‌ తో వచ్చిన క్రేజ్‌ తోనే ఇంకా విజయ్‌ దేవరకొండ స్టార్‌ గా కొనసాగుతున్నాడు. అర్జున్‌ రెడ్డి తర్వాత గీత గోవిందం వచ్చింది. ఈ రెండు సినిమాలతో సౌత్‌ లోనే స్టార్‌ గా నిలిచాడు. గత రెండు ఏళ్లుగా పెద్దగా సక్సెస్‌ లేకున్నా ఈయన స్టార్‌ గానే కొనసాగుతున్నాడు. అర్జున్‌ రెడ్డి ఎన్నో సినిమాలకు దారి చూపింది అనడంలో సందేహం లేదు. అర్జున్‌ రెడ్డి తర్వాత అలాంటి సినిమాలు చాలానే వచ్చాయి. అందులో కొన్ని హిట్‌ కొన్ని ఫట్‌ గా నిలిచాయి.