టాలీవుడ్ లో 'ఆకాశ రామన్న' సినిమాతో దర్శకుడిగా పరిచయమయ్యాడు జి. అశోక్. ఆ తర్వాత నాని తో 'పిల్ల జమిందార్' సినిమా తీసి సూపర్ హిట్ అందుకున్నాడు. అయితే ఆ తర్వాత ఆది సాయికుమార్ తో 'సుకుమారుడు'.. అంజలి ప్రధాన పాత్రలో 'చిత్రాంగధ' సినిమాలు తెరకెక్కించిన అశోక్.. వరుస ప్లాప్స్ అందుకున్నాడు. ఈ క్రమంలో స్టార్ హీరోయిన్ అనుష్కతో 'భాగమతి' అనే లేడీ ఓరియెంటెడ్ హారర్ సినిమా తీసి మరో సూపర్ హిట్ అందుకున్నాడు. దీంతో డైరెక్టర్ అశోక్ కి టాలీవుడ్ క్రేజీ ఆఫర్స్ వచ్చాయి. అయితే అశోక్ మాత్రం 'భాగమతి' సినిమాని హిందీలో రీమేక్ చేయడానికి అంగీకరించాడు.
బాలీవుడ్ బ్యూటీ భూమి పడ్నేకర్ ప్రధాన పాత్రలో 'దుర్గావతి' పేరుతో సినిమా తెరకెక్కించాడు. టీ సిరీస్ మరియు కేఫ్ ఆఫ్ గుడ్ హోప్స్ బ్యానర్స్ పై భూషణ్ కుమార్ - బాలీవుడ్ హీరో అక్షయ్ కుమార్ - విక్రమ్ మల్హోత్రా ఈ చిత్రాన్ని నిర్మించారు. ఈ సినిమా ఎప్పుడో షూటింగ్ కంప్లీట్ చేసుకున్నప్పటికీ కరోనా కారణంగా రిలీజ్ కాలేదు. థియేటర్స్ క్లోజ్ అయి ఉండటంతో డిసెంబర్ 11న అమెజాన్ ప్రైమ్ వీడియోలో విడుదల చేశారు. ఓటీటీ ఆడియన్స్ నుంచి ఈ సినిమా మిశ్రమ స్పందన తెచ్చుకున్నట్లు తెలుస్తోంది. అయితే అశోక్ మరో రెండు బాలీవుడ్ ప్రాజెక్ట్స్ చేసే అవకాశం దక్కించుకున్నాడట. అలానే తెలుగులో కూడా ఓ సినిమా చేయడానికి ప్రయత్నాలు మొదలు పెట్టాడని సమాచారం.
బాలీవుడ్ బ్యూటీ భూమి పడ్నేకర్ ప్రధాన పాత్రలో 'దుర్గావతి' పేరుతో సినిమా తెరకెక్కించాడు. టీ సిరీస్ మరియు కేఫ్ ఆఫ్ గుడ్ హోప్స్ బ్యానర్స్ పై భూషణ్ కుమార్ - బాలీవుడ్ హీరో అక్షయ్ కుమార్ - విక్రమ్ మల్హోత్రా ఈ చిత్రాన్ని నిర్మించారు. ఈ సినిమా ఎప్పుడో షూటింగ్ కంప్లీట్ చేసుకున్నప్పటికీ కరోనా కారణంగా రిలీజ్ కాలేదు. థియేటర్స్ క్లోజ్ అయి ఉండటంతో డిసెంబర్ 11న అమెజాన్ ప్రైమ్ వీడియోలో విడుదల చేశారు. ఓటీటీ ఆడియన్స్ నుంచి ఈ సినిమా మిశ్రమ స్పందన తెచ్చుకున్నట్లు తెలుస్తోంది. అయితే అశోక్ మరో రెండు బాలీవుడ్ ప్రాజెక్ట్స్ చేసే అవకాశం దక్కించుకున్నాడట. అలానే తెలుగులో కూడా ఓ సినిమా చేయడానికి ప్రయత్నాలు మొదలు పెట్టాడని సమాచారం.