విజయమ్మ పాత్రలో ఆశ్రిత వేముగంటి

వైఎస్‌ ఆర్‌ బయోపిక్‌ సినిమా యాత్ర షూటింగ్‌ చాలా ఫాస్ట్‌ గా జరుగుతోంది. ఫిబ్రవరి 8న రిలీజ్‌ కానున్న ఈ సినిమాను  అనుకున్న టైమ్‌కు విడుదల చేయాలని సీరియస్‌గా కష్టపడుతుంది యాత్ర టీమ్‌. వైఎస్‌ పాత్రలో విలక్షణ నటుడు మమ్ముట్టీ, రాజారెడ్డిగా జగపతిబాబు నటిస్తున్నారు. అన్ని పాత్రలు బయటకు వచ్చాయి కానీ సినిమాలో కీలక పాత్ర అయిన వైఎస్‌ విజయమ్మ కేరక్టర్‌ మాత్రం బయటకు రాలేదు. ఇప్పుడు సస్సెన్స్‌ వీడిపోయింది. విజయమ్మ పాత్రలో ఆశ్రిత  వేముగంటి నటించింది. ఇంకా చెప్పాలంటే.. విజయమ్మ పాత్రకు అచ్చు గుద్దినట్లు సరిపోయింది ఆశ్రిత.

బాహుబలి 2 చూసిన వారికి అందరికి ఆశ్రిత వేముగంటి పరిచయమే. ఈ సినిమాలో అనుష్క వదినగా నటించింది ఆశ్రితమే. కన్నా నిదురించరా పాటలో అద్భుతంగా డ్యాన్స్‌ కూడా చేసింది. బేసిక్‌గా ఆశ్రిత క్లాసికల్‌ డ్యాన్సర్‌. కూచిపూడి నేర్చుకుంది. ఇప్పటికే పలు దేశాల్లో ప్రదర్శనలు కూడా ఇచ్చింది. ఒక ప్రదర్శనలో ఆమెను చూసిన రాజమౌళి.. బాహుబలి సినిమాలో అవకాశం ఇచ్చాడు. సినిమా హిట్‌ అయ్యి ఆశ్రితకు మంచి పేరు తీసుకువచ్చింది. ఇప్పుడు వైఎస్‌ విజయమ్మ పాత్రకు పర్‌ఫెక్ట్‌ గా సూట్‌ అయ్యింది ఆశ్రిత.


Full View