కొత్త పోస్టర్ లో పాత పోజులు

బాహుబలి ది కంక్లూజన్ మూవీకి రిలీజ్ డేట్ దగ్గరకొచ్చేస్తోంది. మూవీ రిలీజ్ డేట్ అయిన ఏప్రిల్ 28కి ఇంకా నెలన్నర మాత్రమే గ్యాప్ ఉంది. ఇంకా ఈ చిత్రానికి ట్రైలర్ కూడా విడుదల చేయలేదు. అందుకే రోజుకో కొత్త పోస్టర్ తో హంగామా చేయాలని డిసైడ్ చేసుకున్న జక్కన్న అండ్ టీం.. అందుకు తగ్గట్లుగానే రకరకాల పోస్టర్లతో ఆకట్టుకునే ప్రయత్నం చేస్తున్నారు.

తాజాగా రిలీజ్ చేసిన బాహుబలి 2 పోస్టర్లో.. ప్రధాన పాత్రధారులు అందరినీ చేర్చడం విశేషం. ప్రభాస్.. రానా.. అనుష్క.. తమన్నా.. సత్యరాజ్ ల పోస్టర్ ఆకట్టుకుంటోంది కానీ.. ఈ పోస్టర్ లో కనిపిస్తున్న పోజులు చూస్తే ఒక విషయంలో ఆశ్చర్యం వేస్తుంది. కొత్తగా బాహుబలి2 కోసం పోస్టర్ వేసి.. అందులో మొదటి భాగంలోని ఫోటోలతో సరిపెట్టేస్తున్నాడు రాజమౌళి. ఒక్క అనుష్క మినహాయిస్తే.. మిగతా అందరి లుక్స్ పాతవే అనే విషయం సింపుల్ గానే అర్ధమైపోతోంది.

మూవీకి సంబంధించిన ఏ చిన్న విషయాన్ని లీక్ చేసే ఉద్దేశ్యం దర్శకుడికిి లేదనే సంగతి తెలిసిందే కానీ.. మరీ ఇలా పోస్టర్లలో కూడా పాత పోజులతో సరిపెట్టేయడం ఏంటో రాజమౌళి మాత్రమే చెప్పగలడు.

Like Us on Facebook : https://www.facebook.com/Tupakidotcom/