సెన్సార్ రిపోర్టు: బంగారానికి యు/ఎ

మొత్తానికి ఆగస్టు 12న రావడానికి అన్ని విధాలా సిద్దపడుతున్నాడు ''బాబు.. బంగారం''. ఇప్పటికే ప్రమోషన్లలో వెనుకబడిందా అనే అపవాదును ఎదుర్కొంటున్న ఈ సినిమా.. ఇప్పుడు ప్రమోషన్లను ఓ రేంజులో హోరెత్తించడానికి సర్వం సిద్దం చేసుకుంటోంది. ఎందుకంటే సెన్సార్ పట్టా చేతికొచ్చాక ఇక ఆగాల్సిన అవసరమే ఉండదు.

ఈరోజు సెన్సార్ కార్యక్రమాలను పూర్తి చేసుకున్న ఈ విక్టరీ వెంకటేష్‌-నయనతార కాంబినేషన్లో వస్తున్న సినిమాకు.. యు/ఎ సర్టిఫికేట్ చేతిలో పెట్టారు సెన్సార్ వారు. సినిమాలోని యాక్షన్ సీన్ల డోస్ కాస్త ఎక్కువగా ఉండటంతో యు/ఎ ఇవ్వాల్సి వచ్చిందట. అంటే తన కెరియర్ లో మొట్టమొదటిసారిగా డైరక్టర్ మారుతి ఇప్పుడు ఒక యాక్షన్ ఎంటర్టయినర్ తీస్తున్నాడమాట. ఇప్పటికే జిబ్రాన్ అందించిన మ్యూజిక్ అదిరిపోయింది. అంతే కాకుండా పాటలు కూడా చాలా బాగా వచ్చాయని సెన్సార్ టాక్.

ఇకపోతే సినిమాలో రొమాంటిక్ ఎలిమెంట్స్  కూడా చాలా బాగున్నాయట. కాకపోతే నయనతార క్యారెక్టర్ ను కాస్త డైజష్టు చేసుకోవడం కష్టమే అనే టాక్ వినబడుతోంది.