'డిక్టేటర్' కోసం అమరావతిలో భారీ కారు ర్యాలీ

అమరావతికి సినీ పరిశ్రమను తెస్తున్న నందమూరి బాలకృష్ణకు ఘన స్వాగతం పలికేందుకు ఆయన అభిమానులు భారీ ఎత్తున ఏర్పాట్లు చేస్తున్నారు.  డిక్టేటర్ సినిమా ఆడియో ఫంక్షన్ ను అమరావతిలో నిర్వహించేందుకు బాలయ్య ఇప్పటికే డిసైడైన సంగతి తెలిసిందే. బాలయ్య రేంజికి తగ్గట్లుగా భారీ కారు ర్యాలీకి కూడా ఏర్పాట్లు చేశారు. సత్తెనపల్లి బస్సు స్టాండు నుంచి అమరావతి వరకు ర్యాలీ నిర్వహించనున్నారు. ఆడియో రిలీజ్ కార్యక్రమం  నిర్వహించే డిసెంబరు 20న మధ్యాహ్నం 3 గంటలకు ఈ ర్యాలీ ప్రారంభమవుతుంది. కార్ల ర్యాలీకి అభిమానులు భారీగా తరలిరావాలంటూ నందమూరి అభిమాన సంఘం కన్వీనర్లు తిలక్, సతీశ్, శ్రీధర్ పిలుపునిచ్చారు.

బాలకృష్ణ హీరోగా సినిమా నిర్మాణ రంగంలో అతిపెద్ద నిర్మాణ సంస్థగా పేరున్న ఈరోస్‌ ఇంటర్నేషనల్‌, వేదాశ్వ క్రియేషన్స్‌ సంయుక్తంగా రూపొందిస్తోన్న భారీ బడ్జెట్‌ మూవీ డిక్టేటర్‌. అంజలి - సోనాల్‌ చౌహాన్‌ - అక్ష హీరోయిన్స్‌.  యంగ్‌ మ్యూజిక్‌ డైరెక్టర్‌ ఎస్‌.ఎస్‌.థమన్‌ సంగీత సారథ్యం వహించిన ఈ సినిమా ఆడియో విడుదల కార్యక్రమాన్ని డిసెంబర్‌ 20న ఆంధ్రప్రదేశ్‌ నూతన రాజధాని అమరావతిలో నిర్వహించబోతున్నారు.