బాలయ్యకు కూడా ఓకే చెప్పారా?

అజ్ఞాతవాసికి ప్రత్యేక వెసులుబాటుతో రోజు ఏడు ఆటలు ఇరవై నాలుగు గంటలు ప్రదర్శించే అవకాశం కల్పించడంతో మిగిలిన సినిమాలకు  కూడా అలాంటి ఆఫర్స్ ఏమైనా ఇస్తారా అనే ఆసక్తి నెలకొని ఉంది. రానున్న సినిమాల్లో అంత అవసరం ఉన్నది కూడా జైసింహకు ఒక్కటే. దీనికి అనుగుణంగా ఆంధ్ర ప్రదేశ్ ప్రభుత్వం జైసింహకు ఏడు ఆటలు వేసుకునే అవకాశం కలిపిస్తూ మరికాసేపట్లో ఉత్తర్వులు జారీ చేసే అవకాశాలు ఉన్నాయని సమాచారం. మాస్ ప్రేక్షకుల్లో జైసింహ పట్ల మంచి అంచనాలు ఉండటం, సంక్రాంతి సెంటిమెంట్ బాలయ్య సినిమాలకు బాగా పని చేస్తుంది అన్న అభిమానుల లెక్కల నేపధ్యంలో దీనికి అనుమతి ఇవ్వడం గురించి వాళ్ళు కూడా వెయిట్ చేస్తున్నారు. ఇదే కనక జరిగితే బాలకృష్ణ కూడా అర్ధరాత్రి ఆటలతో రచ్చ షురు చేస్తాడు.

 అజ్ఞాతవాసి రిజల్ట్ గురించి ఇప్పుడిప్పుడే స్పష్టత వస్తున్న నేపధ్యంలో అది జైసింహకు ఎంత వరకు ఫేవర్ చేస్తుంది అనేది అందులో ఉన్న కంటెంట్ మీద ఆధారపడి ఉంది. మాస్ ప్రేక్షకులు - అభిమానుల నుంచి వచ్చే మౌత్ టాక్ ని బట్టి వసూళ్లు ఉండబోతున్నాయి. సూర్య గ్యాంగ్ డబ్బింగ్ సినిమా కాబట్టి అది తీవ్ర ప్రభావం చూపే అవకాశం ప్రస్తుతానికి అయితే లేదు. నయనతార - ప్రకాష్ రాజ్ పాత్రలు మెయిన్ హై లైట్స్ గా - బాలకృష్ణ రెండు షేడ్స్ ఉన్న పాత్రలు చేయటం పట్ల బజ్ బాగా ఉంది. కెఎస్ రవికుమార్ దర్శకుడిగా తన కం బ్యాక్ మూవీగా చెప్పుకుంటున్న జైసింహ ఇటీవల విడుదల చేసిన రెండో ట్రైలర్ కూడా మాస్ లో అంచనాలు పెంచేసింది. మరికొద్ది గంటల్లో జైసింహకు అనుమతి వచ్చిందా లేదా అనే విషయం తేలిపోతుంది. అజ్ఞాతవాసికి ఇచ్చారు కాబట్టి జైసింహకు కూడా అడ్డంకులు ఏమి ఉండవని టాక్.