బోయపాటి మల్టీస్టారర్ తీస్తున్నాడా??

సరైనోడుతో ఇండస్ట్రీ కొట్టిన దర్శకుడు బోయపాటి శ్రీను.. మాస్ మూవీస్ కి సరైన డైరెక్టర్ అనే స్టాంప్ ను నిలబెట్టుకున్నాడు. స్టార్ హీరోలతో వరుసగా సినిమాలు చేసే ఈయన.. తన తర్వాతి సినిమాను కుర్ర హీరో బెల్లంకొండ శ్రీనివాస్ చేస్తానని చెబితే.. మొదట అందరూ ఆశ్చర్యపోయారు. రెండు మూడు సార్లు నిర్మాతలు మారినా.. ప్రాజెక్టును మాత్రం పట్టాలెక్కించగా.. ఈ నెల 16 నుంచి బోయపాటి కొత్త సినిమా షూటింగ్ ప్రారంభం కానుంది.

హీరోలను కొత్తగా మాస్ రూపంలో ఎలివేట్ చేయడంలో సిద్ధహస్తుడైన బోయపాటి.. బెల్లంకొండ శ్రీనివాస్ ను కూడా వినూత్నంగా ప్రెజెంట్ చేయనున్నాడట. అయితే.. ఈ మూవీలో ఈ కుర్రాడితో పాటు మరో ఇద్దరు హీరోలు కూడా లీడ్ రోల్స్ చేయనున్నారని తెలుస్తోంది. ఓ రకంగా ఇది మల్టీస్టారర్ అనే టాక్ వినిపిస్తోంది. ముగ్గురు హీరోలతో సినిమా చేసే సాహసం ఈ మధ్య కాలంలో ఎవరూ చేయలేదనే చెప్పాలి.

మరోవైపు.. ఈ మూవీలో విలన్ పాత్ర కోసం సీనియర్ హీరోలు శ్రీకాంత్.. రాజశేఖర్ ని సంప్రదిస్తున్నారట. తమిళ నటుడు శరత్ కుమార్ కీలక పాత్ర  పోషించనున్నాడు. ఇంత భారీ క్యాస్టింగ్ తో సినిమాను ప్లాన్ చేయడం.. బోయపాటికే చెల్లింది అనే కామెంట్స్ వినిపిస్తున్నాయి.

Like Us on Facebook : https://www.facebook.com/Tupakidotcom/