వీడియో సాంగ్ : జోష్ తగ్గింది రెడ్డి

బెల్లంకొండ సాయి శ్రీనివాస్ కాజల్ అగర్వాల్ జంటగా తేజ దర్శకత్వంలో రూపొందుతున్న సీత ఫస్ట్ ఆడియో సింగల్ గత వారం విడుదలైన సంగతి తెలిసిందే. ఐటెం సాంగ్ కావడంతో ట్యూన్ క్యాచీగా ఉంటూ యూత్ తో పాటు మాస్ ప్రేక్షకులకు బాగా కనెక్ట్ అయినట్టు వ్యూస్ ని బట్టి అర్థమైపోయింది. ఇదే జోష్ కొనసాగించాలని టీం ఇవాళ దాని తాలుకు వీడియో సాంగ్ టీజర్ ని విడుదల చేసింది.

బులెట్ మీదొచ్చె బుల్రెడ్డి అంటూ సాగే హుషారైన పాటకు ఆరెక్స్ 100 బ్యూటీ పాయల్ రాజ్ పుత్ కాలు కదపగా రెడ్డి కుర్రాళ్ళ బ్యాచ్ మొత్తం తన చుట్టూ ఉంటూ అల్లరి చేసే టైపులో తేజ దీన్ని చిత్రీకరించాడు. అయితే సాధారణంగా ఐటెం సాంగ్స్ లో ఉండే కిక్ ఇందులో పూర్తి స్థాయిలో లేదనిపిస్తోంది. అసలు మూమెంట్స్ అన్ని పూర్తి సాంగ్ లో దాచేసి ఇప్పుడు సాంపిల్ గా మాత్రమే ఇలా కట్ చేశారా అనే క్లారిటీ లేదు కాని మొత్తానికి పాయల్ నుంచి ఆశించిన గూస్ బంప్స్ అయితే అందలేదు

అనూప్ రుబెన్స్ స్వరపరిచిన ఈ పాట ఏ సందర్భంలో వస్తుందో కాని సీత ప్రమోషన్ లో దీన్నే ఎక్కువగా వాడుతుండటం విశేషం. నేనే రాజు నేనే మంత్రి తర్వాత కొంత గ్యాప్ తీసుకున్న తేజ సీతను పక్కాగా చెక్కాడని ఇన్ సైడ్ టాక్. టీజర్ కు సైతం మంచి రెస్పాన్స్ వచ్చింది. రెగ్యులర్ మసాలా కథలు కాకుండా ఈసారి పచ్చి అమాయకుడిగా సాయి శ్రీనివాస్ కొంత డిఫరెంట్ గా కనిపిస్తున్నాడు. 25 విడుదల ప్లాన్ చేసిన సీత మీద అభిమానుల అంచనాలు భారీగానే ఉన్నాయి. కవచం తర్వాత సాయి శ్రీనివాస్ కాజల్ కలిసి నటిస్తున్న రెండో సినిమా ఇది

Full View