ఖైదీ-శాతకర్ణి.. హోర్డింగుల కోసం రచ్చ??

మెగాస్టార్ చిరంజీవి మూవీ ఖైదీ నంబర్ 150.. నందమూరి బాలకృష్ణ నటించి గౌతమిపుత్ర శాతకర్ణిల మధ్య పోటీ ఎప్పుడో ఖాయం అయిపోయింది. ఒకే పండక్కి ఇద్దరు పెద్ద స్టార్లు వస్తున్నారంటే ఫ్యాన్స్ పోటీ పడ్డంలో ఏ మాత్రం ఆశ్చర్యం లేదు. 'అన్నీ బాగుండాలి.. మంచి సినిమాలను ప్రోత్సహించాలి..' అంటూ మెగాబ్రదర్ నాగబాబు చెప్పిన ఉపదేశాలను ఏ అభిమానులు పట్టించుకుంటున్నట్లుగా కనిపించడం లేదు.

ఖైదీ-శాతకర్ణిలు బాక్సాఫీస్ దగ్గర పోటీ పడ్డానికి ఇంకా పది రోజులకు పైగా టైమ్ ఉంది కానీ.. ఫ్యాన్స్ ఇప్పుడు ప్రచారం దగ్గరే పోటీ పడ్డం మొదలుపెట్టేశారట. ప్రధానంగా హోర్డింగ్ ల ఏర్పాటు విషయంలో విపరీతమైన హంగామా నడుస్తోందని తెలుస్తోంది. ఆయా హోర్డింగ్ కంపెనీల యజమానులతో.. ప్రైమ్ స్పాట్ లో హోర్డింగ్ తమదే ఉండాలని పట్టు పడుతున్నాయట ఇరు వర్గాలు. ఎటు తేల్చుకోవాలో అర్ధంకాని పరిస్థితి పబ్లిసిటీ కంపెనీలకు ఏర్పడుతోంది. హైద్రాబాద్ తో పాటు ప్రధాన పట్టణాల్లోని అన్ని ఏరియాల్లోనూ ఇదే సిట్యుయేషన్ అంటున్నారు.

ఇటు పెద్ద హోర్డింగులే కాదు.. రోడ్డు మధ్యలో ఏర్పాటు చేసి చిన్నపాటి పబ్లిసిటీ లాలీపాప్స్ విషయంలో కూడా ఈ కాంపిటీషన్ కనిపిస్తోంది. ఎంతగా అంటే.. బాలయ్య ఇంటికి సరౌండింగ్స్ లో ఉండే మొత్తం కేంపెయినింగ్ కాన్సెప్ట్స్ ను చిరు టీం బుక్ చేసేసుకున్నారట. అఫ్ కోర్స్.. ఇది కేవలం బాలయ్య ఇంటిని టార్గెట్ చేసే అనుకోవడానికి వీల్లేదు. ఎందుకంటే.. ఆ దగ్గర్లోనే ఖైదీ నంబర్ 150 నిర్మాణ సంస్థ కొణిదెల ప్రొడక్షన్ కంపెనీ ఆఫీస్ కూడా ఉంటుంది. పోస్టర్లు.. హోర్డింగుల దగ్గరే ఇంత పోటీ ఉంటే.. ఇక సినిమా రిలీజ్ అయ్యే నాటికి ఏ రేంజ్ కి చేరుకుంటుందో!

Like Us on Facebook : https://www.facebook.com/Tupakidotcom/