చిరు కొత్త రోల్ క్లిక్కయినట్లుందే!

మెగాస్టార్ చిరంజీవి 9 ఏళ్ల తర్వాత సినీ రంగంలోకి రీ ఎంట్రీ ఇవ్వడంతోనే సంచలనాలు నమోదు చేసేశారు. 'మేము అసాధ్యం అనుకున్నదాన్ని మీరు సాధ్యం చేసి చూపించారు. అందుకే మీరు మెగాస్టార్' అంటూ స్వయంగా నాగార్జున ప్రశంసలు గుప్పించిన కారణం.. 100 కోట్ల షేర్ అనే మార్క్ ను.. ఖైదీ నంబర్ 150తో చిరంజీవి సునాయాసంగా అందుకోవడమే.

ఇది వెండితెర కహానీ అయితే.. బుల్లితెరపై మెగాస్టార్ ఎంట్రీ ఇచ్చిన కార్యక్రమం 'మీలో ఎవరు కోటీశ్వరుడు' ఇప్పుడు ప్రారంభం అయిపోయింది. నిన్న 'స్టార్ మా' ఛానల్ లో టెలికాస్ట్ అయిన ఈ ప్రోగ్రామ్ కు అపూర్వమైన స్పందన లభించింది. సోషల్ మీడియాలో #MegastarWithMEK అనే హ్యాష్ ట్యాగ్ విపరీతంగా ట్రెండింగ్ అయిపోయింది. చిరు ప్రస్థానంలో కొత్త రోల్ సూపర్ గా క్లిక్ అయిందనే టాక్ వినిపిస్తోంది. విచిత్రం ఏంటంటే.. సినిమాల విషయంలో మీరే టాప్ అంటూ ఖైదీ నంబర్ 150 విషయంలో నాగార్జున ప్రశంసిస్తే.. అదే నాగ్ చేసిన కార్యక్రమం మీలో ఎవరు కోటీశ్వరుడు.. ఇప్పుడు చిరంజీవి చేతులకు రావడమే.

ఈ నెల 16న చిరంజీవి హోస్ట్ గా.. నాగార్జున హాట్ సీట్ లో కూర్చునే స్పెషల్ ఎపిసోడ్ టెలికాస్ట్ కానుంది. ఇప్పుడు టెలివిజన్ ప్రేక్షకుల దృష్టి అంతా ఈ కార్యక్రమంలో చిరు-నాగ్ ల ఇంటరాక్షన్ పైనే ఫోకస్ అయింది. మరోవైపు.. వెంకటేష్.. బాలకృష్ణలను కూడా మీలో ఎవరు కోటీశ్వరుడు కార్యక్రమానికి పిలుస్తానని చెప్పారు చిరంజీవి.

Like Us on Facebook : https://www.facebook.com/Tupakidotcom/