టాలీవుడ్ మెగాస్టార్ చిరంజీవి- కొరటాల శివ కాంబినేషన్ లో వస్తున్న సినిమా 'ఆచార్య'. కాజల్ అగర్వాల్ హీరోయిన్ గా నటిస్తున్న ఈ సినిమాకి మణిశర్మ సంగీతం అందిస్తున్నాడు. ఇక ఈ సినిమాను మాట్నీ ఎంటర్ టైన్ మెంట్ - కొణిదెల ప్రొడక్షన్స్ పేరుతో రామ్ చరణ్ - నిరంజన్ రెడ్డి నిర్మిస్తున్నారు. ఇక ఈ సినిమా తరువాత చిరు నటించే సినిమాపై క్లారిటీ వచ్చింది. మలయాళ సూపర్ హిట్ సినిమా 'లూసిఫర్' లో చిరంజీవి నటించబోతున్నారు. ఇప్పటికే 'లూసిఫర్' సినిమా తెలుగు హక్కులను రామ్ చరణ్ ఫ్యాన్సీ రేటుకు సొంతం చేసుకున్నారట. ఇన్నిరోజులు ముసుగులో గుద్దులాటలా ఉన్న దర్శకుడి విషయాన్నీ మెగాస్టార్ తేల్చేసారు.
మలయాళంలో మోహన్ లాల్ నటించిన ఆ సినిమా సూపర్ హిట్ అయ్యింది. ఇక తెలుగులో ఈ సినిమాను వివి వినాయక్ - బాబీ - సుకుమార్ వంటి దర్శకులు తెరకెక్కిస్తారని వార్తలు వచ్చాయి. కానీ ఈ సినిమాను 'సాహో' ఫేం సుజిత్ దర్శకత్వం వహించబోతున్నాడని చిరు క్లారిటీ ఇచ్చారు. ప్రభాస్ హీరోగా సుజిత్ దర్శకత్వంలో వచ్చిన ‘సాహో’ సినిమా అనుకున్నంత విజయం సాధించలేకపోయింది. కానీ ఆ సినిమాను సుజిత్ తెరకెక్కించిన తీరు చిరంజీవికి బాగా నచ్చిందట. అందువల్ల సుజిత్ కు అవకాశం ఇచ్చారు. ఇక 'లూసిఫర్' తెలుగు వెర్షన్ స్క్రిప్ట్ ను రెడీ చేయమని సుజిత్ కి చెప్పినట్లు సమాచారం. 'ఆచార్య' సినిమా షూటింగ్ పూర్తయిన తరువాత ఈ సినిమా సెట్స్ మీదకు వెళ్లనుంది.
మలయాళంలో మోహన్ లాల్ నటించిన ఆ సినిమా సూపర్ హిట్ అయ్యింది. ఇక తెలుగులో ఈ సినిమాను వివి వినాయక్ - బాబీ - సుకుమార్ వంటి దర్శకులు తెరకెక్కిస్తారని వార్తలు వచ్చాయి. కానీ ఈ సినిమాను 'సాహో' ఫేం సుజిత్ దర్శకత్వం వహించబోతున్నాడని చిరు క్లారిటీ ఇచ్చారు. ప్రభాస్ హీరోగా సుజిత్ దర్శకత్వంలో వచ్చిన ‘సాహో’ సినిమా అనుకున్నంత విజయం సాధించలేకపోయింది. కానీ ఆ సినిమాను సుజిత్ తెరకెక్కించిన తీరు చిరంజీవికి బాగా నచ్చిందట. అందువల్ల సుజిత్ కు అవకాశం ఇచ్చారు. ఇక 'లూసిఫర్' తెలుగు వెర్షన్ స్క్రిప్ట్ ను రెడీ చేయమని సుజిత్ కి చెప్పినట్లు సమాచారం. 'ఆచార్య' సినిమా షూటింగ్ పూర్తయిన తరువాత ఈ సినిమా సెట్స్ మీదకు వెళ్లనుంది.