బీబీ-3 సినిమాకు క్రేజీ టైటిల్.. ప్ర‌క‌టించేది అప్పుడే..?

నందమూరి బాలకృష్ణ-బోయపాటి శ్రీను కాంబోలో తెర‌కెక్కుతున్న చిత్రం బీబీ-3. ప్ర‌స్తుతం శ‌ర‌వేగంగా షూటింగ్ జ‌రుపుకుంటున్న ఈ సినిమా రిలీజ్ డేట్ కూడా లాక్ చేశారు మేక‌ర్స్‌. మే 28న ఈ చిత్రాన్ని ప్రేక్ష‌కుల ముందుకు తీసుకురానున్న‌ట్టు అఫీషియ‌ల్ గా అనౌన్స్ చేసిన విష‌యం తెలిసిందే.

అయితే.. రిలీజ్ కూడా షెడ్యూల్ చేసిన‌ప్ప‌టికీ.. ఈ సినిమాకు సంబంధించిన టైటిల్ మాత్రం ఇంకా అనౌన్స్ చేయ‌లేదు మేక‌ర్స్‌. బాల‌య్య‌-బోయ‌పాటి కాంబోలో వ‌స్తున్న మూడో చిత్ర‌మిది. దీంతో ఈ సినిమాపై ఫ్యాన్స్ లో భారీ అంచ‌నాలు ఉన్నాయి. కరోనా లాక్ డౌన్ కారణంగా ఆల‌స్య‌మైన ఈ చిత్రం.. ప్ర‌స్తుతం వేగంగా షూటింగ్ కంప్లీట్ చేస్తోంది.

గతంలోనే వదిలిన టీజర్ కు ఫ్యాన్స్ నుంచి మంచి రెస్పాన్స్ వచ్చింది. దీంతో సినిమా కోసం అభిమానులు ఈగ‌ర్ గా వెయిట్ చేస్తున్నారు. ఈ సినిమాలో బాల‌య్య స‌ర‌స‌న ప్రగ్యా జైస్వాల్ హీరోయిన్ గా న‌టిస్తోంది. అయితే.. లేటెస్ట్ అప్డేట్ ప్ర‌కారం.. ఈ మూవీ టైటిల్ ను రివీల్ చేసేందుకు డేట్ ఫిక్స్ చేశార‌ట‌!

ఈ మోస్ట్ అవైటెడ్ సినిమా టైటిల్ ను మహా శివరాత్రి సందర్భంగా మార్చి 11న ప్ర‌క‌టించ‌నున్న‌ట్టు తెలుస్తోంది. అంతేకాదు.. ఈ సినిమాకు "మోనార్క్" అనే క్రేజీ టైటిల్ ను ఫిక్స్ చేసినట్టు ఫిల్మ్ న‌గ‌ర్ టాక్. మ‌రి, ఇది నిజ‌మేనా..? టైటిల్ మారుతుందా? అన్న‌ది చూడాలి. అదే స‌మ‌యంలో శివ‌రాత్రి రోజునే రివీల్ చేస్తారా? ఇంకొన్నాళ్ళు ఆగాల్సిందేనా? అన్న‌ది కూడా తెలియాల్సి ఉంది. ద్వారకా క్రియేషన్స్ నిర్మిస్తున్న ఈ చిత్రానికి.. థమన్ సంగీతం అందిస్తున్నాడు.