ఈ కుర్రభామ జాంబిరెడ్డి పై భారీ ఆశలే పెట్టుకుందిగా..!

టాలీవుడ్ డైరెక్టర్ తేజ తెరకెక్కించిన హోరాహోరి సినిమాతో తెలుగు పరిశ్రమకు పరిచయమైంది హీరోయిన్ దక్షా నగర్కర్. ఆ తర్వాత డైరెక్టర్ శ్రీహర్ష కొనుగంటి రూపొందించిన హుషారు మూవీతో దక్షా ఫస్ట్ హిట్ అందుకుంది. హుషారు మూవీలో తన క్యూట్ నటనతో మెప్పించిన దక్షా.. ప్రస్తుతం తెలుగులో వరుస అవకాశాలు దక్కించుకుంటూ బిజీ హీరోయిన్ గా మారుతోంది. హుషారు సినిమాతో తెలుగు ప్రేక్షకులను బాగానే కట్టిపడేసింది ఈ భామ. అమ్మడికి సోషల్ మీడియాలో మంచి ఫాలోయింగ్ సొంతం చేసుకుంటుంది. సోషల్ మీడియాలో యాక్టీవ్ గా ఉంటూ ఫోటోషూట్లతో ఇంస్టాగ్రామ్, ఫేస్ బుక్ లలో కుర్రకారు మతిపోగొడుతుంది. తాజాగా దక్షా జాంబిరెడ్డి సినిమాలో నటించింది. ఆ సినిమా ఫిబ్రవరి 5న విడుదల కాబోతుండటంతో జాంబిరెడ్డి పై తన ఆశాభావం వ్యక్తం చేస్తోంది.

డైరెక్టర్ ప్రశాంత్ వర్మ తెరకెక్కించిన జాంబిరెడ్డి మూవీ.. టాలీవుడ్ ఇండస్ట్రీలోనే ఫస్ట్ జాంబిస్ జానర్ ఫిల్మ్. అయితే డైరెక్టర్ ప్రశాంత్ రూపొందించిన అ! మూవీలో దక్షాను ఓ పాత్రకు అడిగాడట. కానీ నో చెప్పిందట. ఎందుకంటే అ! సినిమాలో దక్షాను అడిగింది లెస్బియన్ పాత్రకోసం అంటోంది అమ్మడు. ఆ పాత్రకు తను నో చెప్పడంతో నిత్యమీనన్ ఓకే చేసిందని చెప్తుంది. ఆ తర్వాత మళ్లీ ప్రశాంత్ వర్మ రెండవ సినిమా కల్కి సినిమాలో హీరోయిన్ పాత్రకు అడిగితే మళ్లీ నో చెప్పిందట. అయితే తను నో చెప్పిన సినిమాలు సరిగ్గా ఆడలేదని కాన్ఫిడెంట్ గా చెప్తోంది. ఇక ఇప్పుడు జాంబిరెడ్డి మూవీకోసం ప్రశాంత్ మూడోసారి అడిగితే ఓకే చెప్పానని.. ఈ మూవీ ఖచ్చితంగా హిట్ అవుతుందనే నమ్మకంతో చెబుతుంది దక్షా. జాంబిరెడ్డిలో మ్యాగీ పాత్రలో వీరలెవెల్ యాక్షన్ సన్నివేశాలు చేసానంటుంది. ఇక ఈ సినిమా కమర్షియల్ ఎలిమెంట్స్ తో పాటు కామెడీతో అలరిస్తుందని.. ఈ సినిమా తనకు మంచి నేమ్ ఫేమ్ తెస్తుందని చెప్పుకొచ్చింది. ఇదిలా ఉండగా.. అమ్మడు సోషల్ మీడియాలో ఓ రేంజిలో అందాలు అరబోస్తుంది. ప్రస్తుతం బెల్లంకొండ గణేష్ డెబ్యూ మూవీలో నటిస్తోంది. ఇంకా దక్షా బోల్డ్ పాత్రలకు కూడా రెడీ అంటోంది. చూడాలి మరి జాంబిరెడ్డిలో దక్షా ఎలా అలరిస్తుందో..!