య‌శ్ తోనే ఈ రేంజ్ లో ఉంటే.. ఇక ప్ర‌భాస్ తో విధ్వంసమేనా..?

'ఉగ్రమ్' సినిమాతో దర్శకుడిగా పరిచయమైన ప్రశాంత్ నీల్.. 'కేజీఎఫ్‌' సినిమాతో దేశవ్యాప్తంగా గుర్తింపు తెచ్చుకున్నాడు. ఎక్కువ సినిమాలు చేసిన అనుభవం లేకపోయినా మాస్ ఆడియన్స్ పల్స్ తెలుసని నిరూపించుకున్నాడు. యాక్షన్ సన్నివేశాలకి సెంటిమెంట్ ని కలబోసి సమపాళ్ళలో అందించే దర్శకుడు ప్రశాంత్ నీల్.. ఇప్పుడు 'కేజీఎఫ్ చాప్టర్2'తో వస్తున్నాడు. తాజాగా విడుదలైన టీజర్ తో ఈ సినిమా ఏ రేంజ్ లో ఉండబోతుందో అర్థం చేసుకోవచ్చు. 'కేజీఎఫ్ 1'కి మించేలా ఎలివేషన్ సీన్స్ యాక్షన్ సీన్స్ తో పాటు సెంటిమెంట్ కూడా ఉన్నట్లు తెలుస్తోంది. ఈ నేపథ్యంలో ప్ర‌శాంత్ నీల్ య‌శ్ తోనే ఈ రేంజ్ లో సినిమా తీస్తే.. మ‌రి రాబోయే ప్ర‌భాస్ 'సలార్' ప్రాజెక్ట్ ఎలా ఉండ‌బోతుందో డార్లింగ్ ఫ్యాన్స్ కామెంట్స్ చేస్తున్నారు.

యంగ్ రెబల్ స్టార్ ప్రభాస్‌ - ప్రశాంత్‌ నీల్‌ కాంబినేషన్ లో 'సలార్‌' అనే సినిమా రూపొందనున్న సంగతి తెలిసిందే. పాన్ ఇండియా మూవీగా తెరకెక్కనున్న ఈ చిత్రాన్ని హోంబలే ఫిలింస్‌ బ్యానర్‌ పై విజయ్‌ కిరంగందూర్‌ నిర్మిస్తున్నాడు. ఈ ప్రాజెక్ట్ అనౌన్స్ చేసినప్పటి నుంచి రోజుకో రూమర్ తో 'సలార్' ఎప్పుడూ వార్తల్లో నిలుస్తూనే ఉంది. పాన్ ఇండియా స్టార్ గా వెలుగొందుతున్న ప్రభాస్ ని ప్రశాంత్ నీల్ ఈ చిత్రంలో ఏ రేంజ్ లో చూపిస్తాడో అని అందరూ ఆలోచిస్తున్నారు. ఇప్పటికే విడుదలైన 'సలార్' ఫస్ట్ లుక్ లో ప్రభాస్ ని మోస్ట్ వైలెంటెడ్ మ్యాన్ గా ప్రెజెంట్ చేసాడు. ప్రభాస్ ఇంతకముందు కనిపించని విధంగా ఇందులో కనిపిస్తాడని తెలుస్తోంది. ఇక 'కేజీఎఫ్ 2' టీజర్ చూసిన తర్వాత ప్రభాస్ ని ప్రశాంత్ నీల్ నెక్స్ట్ లెవల్ లో చూపిస్తాడని ఫ్యాన్స్ నమ్మకంగా ఉన్నారు. ప్రభాస్ - ప్రశాంత్ కాంబోలో రానున్న 'సలార్' ఎంతటి సెన్సేషన్ క్రియేట్ చేస్తుందో చూడాలి. ఇకపోతే ఈ చిత్రాన్ని జనవరి చివరి వారంలో సెట్స్ పైకి తీసుకెళ్లే అవకాశాలు కనిపిస్తున్నాయి.