మగధీర కాపీలో దీపిక ఐటెం సాంగ్

ఎంఎస్ ధోనీ మూవీతో దేశవ్యాప్తంగా క్రేజ్ సంపాదించుకున్న హీరో సుశాంత్ సింగ్ రాజ్ పుత్. మహేష్ మూవీ 1 నేనొక్కడినే చిత్రంతో తెరంగేట్రం చేసిన బ్యూటీ కృతి సనోన్. వీళ్లిద్దరూ కలిసి చేస్తున్న మూవీ రాబ్తా. ఓ రెండు వారాల క్రితం రిలీజ్ అయిన రాబ్తా ట్రైలర్ చూడగానే టాలీవుడ్ ప్రేక్షకులకు ఓ విషయం అర్ధమైపోయింది.

రామ్ చరణ్ బ్లాక్ బస్టర్ మూవీ మగధీరను కాపీ కొట్టేసి.. కాసింత ట్రెండీగా మార్చేసి.. మూతి ముద్దుల కౌంట్ పెంచేసి.. రాబ్తాను తీసేశారనే సంగతి తెలిసిపోయింది. మగధీరకు రాబ్తా రీమేక్ అయినా కావచ్చు.. ఫ్రీమేక్ అయినా కావచ్చు. ఇప్పుడీ సినిమాకు అదనపు ఆకర్షణల కోసం ప్రయత్నిస్తున్న మూవీ యూనిట్.. రాబ్తాలో దీపికా పదుకొనే సాంగ్ ను చేర్చారు. దీపిక ఈ చిత్రంలో ఐటెం సాంగ్ చేస్తుండగా.. ఆ పాటకు సంబంధించిన చిన్న ప్రోమోను రిలీజ్ చేసింది రాబ్తా యూనిట్. దీపిక కూడా అందాల మోత బాగానే మోగించింది. డ్రెసింగ్ విషయంలో ఈ భామ ఎంత ట్రెండీ అనే విషయం..  కొన్ని సెకన్ల విజువల్స్ తోనే అర్ధమవుతుంది. మూవీ థీమ్ కి తగినట్లుగా ఉన్న ప్రీతమ్ సంగీతం చిన్నపాటి బీట్ తోనే ఆకట్టుకుంటుంది

ప్రస్తుతం పోస్ట్ ప్రొడక్షన్స్ జరుపుకుంటున్న ఈ మూవీపై అంచనాలు ఎక్కువగానే ఉన్నాయి. దినేష్ దర్శకత్వంలో రూపొందుతున్న రాబ్తాను.. జూన్ 9న గ్రాండ్ రిలీజ్ చేయనున్నారు. ధోనీ మూవీ పుణ్యమా అని.. ఈ చిత్రానికి హైప్ బాగానే దక్కుతోంది.
Full View


Like Us on Facebook : https://www.facebook.com/Tupakidotcom/