అయ్యో... అఖిల్ డ్యాన్స్ !

అఖిల్ రూపంలో తెలుగు తెర‌పైకి మ‌రో మంచి డ్యాన్స‌ర్ వ‌చ్చాడ‌న‌డంలో ఏమాత్రం సందేహం లేదు. నాగార్జున అయితే ఇంత మంచి డ్యాన్స‌ర్ మా ఇంట్లో... మా క‌ళ్ల‌ముందు తిరుగుతున్నాడంటే న‌మ్మ‌బుద్ధి కావ‌డం లేద‌ని ఆశ్చ‌ర్య‌పోతుంటాడు. తొలి సినిమాలో తెర‌పైన అఖిల్‌ ని చూసిన‌వాళ్లంతా డ్యాన్స్ ఇర‌గ‌దీశాడ‌నే అన్నారు. ఆ టాలెంట్‌ ని అన్ని ఇండ‌స్ట్రీల‌కీ చూపించాల‌నుకున్నాడు అఖిల్‌. అందుకే ఐఫా వేడుక‌లో తొలి లైవ్ పెర్ఫార్మెన్స్ ఇచ్చాడు. మూడు రోజుల ముందు నుంచే రిహార్స‌ల్స్ చేసి వేదిక‌పైన కూడా అద‌ర‌గొట్టాల‌ని డిసైడైయ్యాడాయ‌న‌.

ఐఫా వేదిక‌పైకి అదే జోష్‌ తోనే వ‌చ్చాడు. కానీ బ్యాడ్‌ ల‌క్‌... అక్క‌డ అనుకొన్నంత‌గా వ‌ర్క‌వుట్ అవ్వ‌లేదు. కొన్ని టెక్నిక‌ల్ ప్రాబ్లెమ్స్ రావ‌డంతో అఖిల్ డ్యాన్స్ చేయ‌కుండా అలా ఆగిపోవ‌ల్సి వ‌చ్చింది. అయితే అదేమీ అఖిల్ త‌ప్పు కాదు... రెండు మూడు పాట‌లు రీమిక్స్ అయ్యి అఖిల్ డ్యాన్స్ చేస్తున్న‌ప్పుడు  ప్లే అయిపోయాయి. దీంతో అంతా గంద‌ర‌గోళం నెల‌కొంది. స్టెప్పులు కుద‌ర‌క అఖిల్ కూడా అలా ఆగిపోయాడు. ఆ త‌ర్వాత మ‌ళ్లీ అన్నీ అడ్జెస్ట్ చేసి పాట‌ని ప్లే చేశారు. కానీ అప్పుడు కూడా డిస్ట‌ర్బెన్సే వ‌చ్చింది. దీంతో అఖిల్ కాస్త నిరుత్సాహ‌ప‌డిపోయిన‌ట్టు క‌నిపించాడు. తొలి లైవ్ షో అఖిల్‌ కి ఈ ర‌కంగా ఓ చేదు అనుభ‌వాన్నిచ్చిన‌ట్టైంది. కానీ అఖిల్ డ్యాన్స్  వేసినంత‌సేపు మాత్రం ఇర‌గ్గొట్టేశాడ‌ని అక్క‌డున్న జ‌నాలు మాట్లాడుకోవ‌డం వినిపించింది. అయితే రెండోరోజు ఐఫా వేడుక‌కి చెర్రీ - త‌మ‌న్నా డ్యాన్సులే హైలెట్‌ గా నిలిచాయి.