ట్రైలర్ చూసి విలన్ ఎవరో ఫిక్స్ అవ్వకండిః కీర్తిసురేష్‌

రేపు ప్రేక్షకుల ముందుకు రాబోతున్న నితిన్‌.. కీర్తి సురేష్ ల రంగ్‌ దే సినిమా ప్రమోషనల్‌ ఈవెంట్‌ రాజమండ్రిలో వైభవంగా జరిగింది. ఇటీవలే హైదరాబాద్‌ లో జరిగిన ఈవెంట్‌ ను తలపించేలా అక్కడ కూడా నిర్వహించారు. రాజమండ్రి వేడుకలో హీరో నితిన్ హీరోయిన్‌ కీర్తి సురేష్ తో పాటు దర్శకుడు వెంకీ అట్లూరి మరియు సంగీత దర్శకుడు దేవిశ్రీ ప్రసాద్‌ కూడా పాల్గొన్నారు. చిత్ర యూనిట్‌ సభ్యులు అక్కడ సందడి చేశారు. ఈ సందర్బంగా కీర్తి సురేష్‌ మాట్లాడుతూ సినీపై ఆసక్తికర కామెంట్స్ చేసింది. సినిమాలో అంతా తనది నెగటివ్‌ రోల్‌ అనుకుంటున్నారు. కాని అసలు విలన్‌ నితిన్ అంటూ సరదాగా వ్యాఖ్యలు చేసింది.

కీర్తి మాట్లాడుతూ.. దేవితో ఇది నాకు మూడవ సినిమా. ఇప్పటికే రెండు సినిమాలు సక్సెస్‌ అయ్యాయి. ఈ సినిమాతో హ్యట్రిక్‌ కొడతామనే నమ్మకం ఉందని చెప్పుకొచ్చింది. నితిన్‌ నా కెరీర్ లో బెస్ట్ కో యాక్టర్‌ అంది. ఇక ట్రైలర్ చూసి చాలా మంది సినిమా లో నేనేదో విలన్ పాత్రను చేసినట్లుగా అనుకుంటున్నారు. కాని సినిమాలో విలన్‌ గా నితిన్‌ కనిపిస్తాడు. సెకండ్‌ హాఫ్‌ లో నేను ఆయనపై రివేంజ్ తీర్చుకుంటాను అంది. సినిమా ను పూర్తిగా ట్రైలర్ ను చూసి అంచనా వేయకండి. రేపు థియేటర్ కు వెళ్లి సినిమా ను చూసి ఎంజాయ్‌ చేయండి. తప్పకుండా ప్రతి ఒక్కరికి సినిమా నచ్చుతుందనే నమ్మకంను కీర్తి సురేష్ వ్యక్తం చేసింది.