ఆ మూడు సీన్లలో ఏడుపేనా నాని?

దాదాపు ప్రతీ సినిమాలోనూ ఏదో స్టార్ లాగా కాకుండా.. పక్కింటి అబ్బాయిలా ఎదురింట్లోని కుర్రాడిలా కనిపిస్తాడు కాబట్టే.. ఘంటా నవీన్ బాబు కాస్తా న్యాచురల్ స్టార్ నాని అయ్యాడు. ఈ శుక్రవారం మనోడు ''నిన్ను కోరి'' సినిమాతో వస్తున్నాడు. షార్ట్ ఫిలింస్ తో పాపులర్ అయిన శివ నిర్వాణ డైరక్షన్లో రూపొందిన ఈ ట్రైయాంగిల్ లవ్ స్టోరీపై నాని చాలా ఆశలే పెట్టుకున్నాడు.

ఇన్ సైడ్ టాక్ ఏంటంటే.. ఈ సినిమాలో ఒక మూడు సీన్లు మాత్రం అసలు ఎవరికైనా కూడా కంటతడి పెట్టించేస్తాయి అంటున్నారు. హీరోయిన్ నివేథా థామస్ తో వైజాగులో బ్రేకప్ చేసుకునే ఉమా మహేశ్వరరావు పాత్రలో నాని మొదట మనతో కన్నీరు పెట్టిస్తే.. తరువాత అమెరికాలో ఓసారి.. క్లయమ్యాక్స్ లో ఓసారి ఏడిపిస్తాడట. గతంలో భలే భలే మగాడివోయ్ సినిమాలో కట్ లేకుండా చేసిన ఒక సీన్లో నాని ఏడిపంచేశాడు. అటువంటి సింగిల్ టేక్ సీన్లు ఈ 'నిన్నుకోరి'లో కూడా చాలానే ఉన్నాయట. ఇవన్నీ కలగలసి సినిమాలో నాని పెర్ఫామెన్స్ టాప్ రేంజులో ఉందని టాక్.

అయితే ఇక్కడ విషయం ఏంటంటే.. ఈ మధ్యన ఎటువంటి డీప్ ఎమోషన్ సినిమాలోనైనా కామెడీ కోరుకుంటున్న ప్రేక్షకులు.. మరీ అన్నేసి ఏడుపు సీన్లు అంటే డైజస్ట్ చేసుకోగలరా? ఏమో మరి.. ఈ శుక్రవారం తెలుస్తుంది.

Like Us on Facebook : https://www.facebook.com/Tupakidotcom/