ఎఫ్‌ 2 క్రేజ్‌.. డిలీటెడ్‌ సీన్స్‌ రచ్చ

సంక్రాంతికి విడుదలైన 'ఎఫ్‌ 2' చిత్రం ఇప్పటి వరకు ఈ ఏడాది విడుదలైన చిత్రాల్లో సంచలన చిత్రంగా నిలిచిన విషయం తెల్సిందే. భారీ వసూళ్లను నమోదు చేయడంతో పాటు అమెజాన్‌ ప్రైమ్‌ లో వచ్చిన తర్వాత కూడా థియేటర్లలో భారీగా వసూళ్లు రాబట్టిన విషయం తెల్సిందే. ఎఫ్‌ 2 చిత్రంకు ఫ్యామిలీ ఆడియన్స్‌ నీరాజనాలు పట్టారు. అనీల్‌ రావిపూడి దర్శకత్వంలో తెరకెక్కిన ఈ చిత్రాన్ని దిల్‌ రాజు నిర్మించి భారీ లాభాలను దక్కించుకున్నాడు. సినిమా విడుదలై మూడు నెలలు కావస్తున్నా కూడా ఇంకా ఎఫ్‌ 2 చర్చ, రచ్చ ఆగడం లేదు.

ఫైనల్‌ ఎడిటింగ్‌ లో తీసేసిన కొన్ని కామెడీ సీన్స్‌ అంటూ దిల్‌ రాజు అఫిషియల్‌ యూట్యూబ్‌ ఛానెల్‌ లో పోస్ట్‌ చేస్తున్నారు. డిలీటెడ్‌ కామెడీ సీన్స్‌ ఆఫ్‌ ఎఫ్‌ 2 అంటూ యూట్యూబ్‌ లో ప్రస్తుతం ఆ సీన్స్‌ రచ్చ చేస్తున్నాయి. విడుదలైన గంటల్లోనే లక్షల్లో వ్యూస్‌ ను దక్కించుకుంటున్నాయి. వెంకీ మరియు వరుణ్‌ తేజ్‌ ల కాంబోలోని ఆ సీన్స్‌ కు మంచి రెస్పాన్స్‌ దక్కుతోంది. నిమిషంకు అటు ఇటుగానే ఉన్న ఆ వీడియోలు యూట్యూబ్‌ లో మిలియన్‌ వ్యూస్‌ ను దక్కించుకుంటున్నాయి. ఇప్పటి వరకు అయిదు డిలీటెడ్‌ కామెడీ సీన్స్‌ ను యూట్యూబ్‌ లో పోస్ట్‌ చేయడం జరిగింది. వాటన్నింటికి కలిపి దాదాపుగా 10 మిలియన్‌ వ్యూస్‌ అంటే కోటి వ్యూస్‌ దక్కాయి. ఎఫ్‌ 2 కామెడీ సీన్స్‌ ఏ స్థాయిలో ప్రేక్షకులను అలరిస్తున్నాయో ఈ నెంబర్‌ ను బట్టి అర్థం చేసుకోవచ్చు.

Full View