ఫొటోటాక్‌ః బాబోయ్‌ ఇది అభిమానుల సృష్టా?

ప్రస్తుతం సౌత్‌ ఇండియా నార్త్‌ ఇండియా ఎక్కడ చూసినా కూడా మలయాళ స్టార్‌ నటుడు ఫహద్ ఫాజిల్ పేరు వినిపిస్తుంది. విలక్షణ నటుడిగా గుర్తింపు దక్కించుకున్న ఫహద్‌ ఫాజిల్‌ తెలుగు లో పుష్ప సినిమాతో తమిళంలో విక్రమ్‌ సినిమాతో తన మార్కెట్‌ ను విస్తరించే పనిలో ఉన్నాడు. హీరోగా మంచి ఆఫర్లు వస్తున్నా కూడా తనలోని నటుడిని సంతృప్తి పర్చేందుకు ఫహద్‌ చేస్తున్న సినిమాలు ఇవి. విలన్‌ గా నటించేందుకు ఏమాత్రం అభ్యంతరం చెప్పని ఈ నటుడు బట్ట తల కలిగి ఉంటాడు. సినిమాల్లో విగ్గుతో కవర్ చేసే ప్రయత్నం చేయకుండా నాచురల్‌ లుక్ తోనే నటిస్తూ ఉంటాడు. దాదాపు అన్ని సినిమాల్లో కూడా ఫహద్ హెయిర్‌ స్టైల్‌ సేమ్‌ ఉంటుంది.

కాని ఇటీవల ఈ ఫొటో నెట్టింట తెగ వైరల్‌ అయ్యింది. ఫహద్‌ కాస్త జుట్టు ఎక్కువ పెంచుకోవడంతో పాటు గడ్డం కూడా బాగా పెంచి కనిపించాడు. ఉన్నట్లుండి ఫహద్‌ జట్టు మరీ ఇంత పెద్దగా అయ్యింది.. అయినా ఇప్పుడు ఎందుకు తన జుట్టును పెంచాడు ఫహద్‌ అంటూ అభిమానులు నెట్టింట చర్చించుకున్నారు. ఆ ఫొటో సోషల్ మీడియాలో రచ్చ అవుతున్న నేపథ్యంలో ఫహద్‌ క్లారిటీ ఇచ్చారు. అసలు అది రియల్‌ ఫొటో కాదని పేర్కొన్నారు. అభిమానులు క్రియేట్‌ చేసిందని.. ఒక రెగ్యులర్ లుక్ ఫొటోను అభిమానులు అలా మార్చి షేర్‌ చేశారట.

ఫహద్‌ కు ఎక్కువ జుట్టు మరియు గడ్డం ఉంటే ఎలా ఉంటుందనే విషయం చూసేందుకు ఎవరో అభిమాని చేసిన ప్రయత్నంగా కనిపిస్తుంది. అయితే చాలా నాచురల్ గా జుట్టు గడ్డం పెట్టడంతో ఇది నిజంగా లుక్‌ అయ్యి ఉంటుంది.. తన రాబోయే సినిమాల్లో విలన్‌ గా కనిపించబోతున్నాడు కనుక ఇలా గడ్డం జుట్టు పెంచి ఉంటాడేమో అంటూ కొందరు అభిప్రాయం వ్యక్తం చేశారు. కాని అసలు విషయం తెలిసి బాబోయ్‌ ఇది అభిమానులు సృష్టించిన జుట్టా అంటూ నోరు వెళ్లబెడుతున్నారు.