ఫొటో: వావ్‌... తండ్రీ కొడుకులిద్ద‌రిదీ ఒకే పోజు

చూస్తుండ‌గానే మ‌హేష్ త‌న‌యుడు గౌత‌మ్‌ కృష్ణ పెరిగి పెద్ద‌య్యాడు. నిన్న మొన్న‌టివ‌ర‌కు పాల బుగ్గ‌ల‌తో  ముద్దుముద్దుగా క‌నిపిస్తూ - త‌న‌లో తానే సిగ్గు ప‌డిపోతూ తండ్రితో క‌లిసి ఆడియో వేడుక‌ల్లో క‌నిపించిన గౌత‌మ్ కృష్ణ ఇప్పుడు ద‌గ్గ‌ర‌ద‌గ్గ‌ర‌గా మ‌హేష్ అంత హైట్ పెరిగాడు.  స్టైల్‌ లోనూ - న‌డ‌వడిక‌లోనూ మ‌హేష్‌ కి ఏమాత్రం త‌గ్గ‌డం లేదు.  అది చూసి మ‌హేష్ కూడా పుత్రోత్సాహంతో పొంగి పోతున్నాడు. ఎలాగో  గౌత‌మ్ ముఖ క‌వ‌ళిక‌లు అచ్చం మ‌హేష్‌ బాబునే పోలి వుంటాయి.

ఇప్పుడు ఆయ‌న స్టైల్ కూడా మ‌హేష్‌ నే పోలి వుండ‌టంతో ఫ్యాన్స్ ఖుషీ అవుతున్నారు. ఇదిగో ఇలాంటి ఫొటోలు చూసిన‌ప్పుడు ఆ ఆనందం రెట్టింప‌వుతుంటుంది. గౌత‌మ్ చిన్న‌ప్ప‌ట్నుంచి తండ్రి చాటు బిడ్డ‌గా ఎదిగాడు. మ‌హేష్ ఎక్క‌డికెళ్లినా ఆయ‌న‌తో పాటు గౌత‌మ్ కూడా వెళుతుంటాడు. ఇటీవ‌ల న్యూ ఇయ‌ర్ వేడుక‌ల‌ కోసం మ‌హేష్ కుటుంబం విదేశాలు వెళ్లింది. అక్క‌డే మ‌హేష్‌ - గౌత‌మ్‌ లు సేమ్ స్టైల్‌ తో న‌డుస్తున్న‌ప్పుడు ఈ ఫొటో క్లిక్‌మనిపించారు.  ఇప్పుడు అభిమానులు ఈ ఫొటోని ఆన్‌ లైన్‌ లో షేర్ చేస్తుండ‌డంతో వైర‌ల్ అవుతోంది.

Like Us on Facebook : https://www.facebook.com/Tupakidotcom/