గోపీచంద్ - రాశిఖన్నా జంటగా మారుతి దర్శకత్వంలో 'పక్కా కమర్షియల్' సినిమా రూపొందింది. యూవీ క్రియేషన్స్ .. గీతా ఆర్ట్స్ 2 బ్యానర్ పై ఈ నిర్మితమైంది. జూలై 1వ తేదీన ఈ సినిమాను విడుదల చేయనున్నారు. ఈ నేపథ్యంలో ఈ సినిమా ప్రెస్ రిలీజ్ ఈవెంట్ ను నిర్వహించారు. ఈ వేదికపై నిర్మాత బన్నీ వాసు మాట్లాడుతూ .. "ఈ సినిమాను గురించి మాట్లాడాలంటే ముందుగా మారుతి గురించే మాట్లాడాలి. ఎందుకంటే ఇంతవరకూ ఆయన ఎక్కువ సినిమాలు చేసింది నాతోనే. మేమిద్దరం కలిసి ఎక్కువ సినిమాలు చేయడం మాకు ఆనందాన్ని కలిగించే విషయం.
సినిమాల్లోకి రావడానికి ముందు నుంచి మా ఇద్దరి మధ్య మంచి పరిచయం ఉంది. ఆ తరువాత ఇద్దరం కూడా సినిమాల్లోనే ఎవరి రూట్లో వాళ్లం ముందుకు వెళ్లాము. ఈ రోజున ఇంత పెద్ద పెద్ద సంస్థలతో కలిసి పనిచేస్తున్నాము. అరవింద్ గారిని గురించి చెప్పాలంటే .. ఆయన గురించి నేను ఒక బుక్ రాసుకుంటున్నాను. ఆ బుక్ గురించి చెప్పాలంటే వేరే వేదిక కావాలి .. అప్పుడు తప్పకుండా చెబుతాను. ఇక గోపీచంద్ గారంటే నాకు చాలా ఇష్టం .. ఆయన సినిమాల్లో 'రణం' నాకు బాగా నచ్చుతుంది. ఒక కమర్షియల్ సినిమాలో ఒక యాక్షన్ .. ఎంటర్టైన్మెంట్ కలిసి కూర్చుంటే ఎలా ఉంటుందనేది ఆ సినిమా నిరూపించింది.
అలాంటి లక్షణాలన్నీ కూడా ' పక్కా కమర్షియల్' సినిమాలో చూశాను. గోపీచంద్ గారి బాడీ లాంగ్వేజ్ .. ఆయన డైలాగ్ డెలివరీ .. టైమింగ్ బాగుంటాయి. ఈ సినిమాలో కూడా ఆయన టైమింగ్ బాగా కుదిరింది. మారుతి ఆయనను కొత్తగా చూపించిన విధానం .. ఆయన టైమింగ్ లోకి గోపీచంద్ గారు వెళ్లిన విధానం నాకు బాగా నచ్చాయి. రాశి గారి విషయానికి వస్తే, 'ప్రతిరోజూ పండగే' సమయంలోనే రాశి ఖన్నా గారు తన టాలెంట్ అంతా చూపించేశారు. తన యాక్టింగ్ లో ఈ డిఫరెంట్ యాంగిల్ కూడా ఉందని ఆమె ఓపెన్ అయింది 'ప్రతిరోజూ పండుగ'లోనే.
ఈ సినిమాలో కూడా ఒక సీరియల్ యాక్టర్ గా రాశి అద్భుతంగా చేశారు. ఈ సినిమాకి టికెట్ ఎంత పెడుతున్నారని అంతా అడుగుతున్నారు. టికెట్ రేట్లు అందరికీ అందుబాటులో ఉండేలా చూసుకుంటున్నాము. మీరు పెట్టిన డబ్బులకు తగిన ఎంటర్టైన్మెంట్ దొరుకుతుంది. ప్రతి ఒక్కరికీ ఈ సినిమా నచ్చుతుంది. అందరూ కూడా నవ్వుకుంటూ ఇంటికి వెళతారు. ఇక ఓటీటీలో మాత్రం ఈ సినిమా అంత తొందరగా రాదు" అంటూ చెప్పుకొచ్చాడు.
సినిమాల్లోకి రావడానికి ముందు నుంచి మా ఇద్దరి మధ్య మంచి పరిచయం ఉంది. ఆ తరువాత ఇద్దరం కూడా సినిమాల్లోనే ఎవరి రూట్లో వాళ్లం ముందుకు వెళ్లాము. ఈ రోజున ఇంత పెద్ద పెద్ద సంస్థలతో కలిసి పనిచేస్తున్నాము. అరవింద్ గారిని గురించి చెప్పాలంటే .. ఆయన గురించి నేను ఒక బుక్ రాసుకుంటున్నాను. ఆ బుక్ గురించి చెప్పాలంటే వేరే వేదిక కావాలి .. అప్పుడు తప్పకుండా చెబుతాను. ఇక గోపీచంద్ గారంటే నాకు చాలా ఇష్టం .. ఆయన సినిమాల్లో 'రణం' నాకు బాగా నచ్చుతుంది. ఒక కమర్షియల్ సినిమాలో ఒక యాక్షన్ .. ఎంటర్టైన్మెంట్ కలిసి కూర్చుంటే ఎలా ఉంటుందనేది ఆ సినిమా నిరూపించింది.
అలాంటి లక్షణాలన్నీ కూడా ' పక్కా కమర్షియల్' సినిమాలో చూశాను. గోపీచంద్ గారి బాడీ లాంగ్వేజ్ .. ఆయన డైలాగ్ డెలివరీ .. టైమింగ్ బాగుంటాయి. ఈ సినిమాలో కూడా ఆయన టైమింగ్ బాగా కుదిరింది. మారుతి ఆయనను కొత్తగా చూపించిన విధానం .. ఆయన టైమింగ్ లోకి గోపీచంద్ గారు వెళ్లిన విధానం నాకు బాగా నచ్చాయి. రాశి గారి విషయానికి వస్తే, 'ప్రతిరోజూ పండగే' సమయంలోనే రాశి ఖన్నా గారు తన టాలెంట్ అంతా చూపించేశారు. తన యాక్టింగ్ లో ఈ డిఫరెంట్ యాంగిల్ కూడా ఉందని ఆమె ఓపెన్ అయింది 'ప్రతిరోజూ పండుగ'లోనే.
ఈ సినిమాలో కూడా ఒక సీరియల్ యాక్టర్ గా రాశి అద్భుతంగా చేశారు. ఈ సినిమాకి టికెట్ ఎంత పెడుతున్నారని అంతా అడుగుతున్నారు. టికెట్ రేట్లు అందరికీ అందుబాటులో ఉండేలా చూసుకుంటున్నాము. మీరు పెట్టిన డబ్బులకు తగిన ఎంటర్టైన్మెంట్ దొరుకుతుంది. ప్రతి ఒక్కరికీ ఈ సినిమా నచ్చుతుంది. అందరూ కూడా నవ్వుకుంటూ ఇంటికి వెళతారు. ఇక ఓటీటీలో మాత్రం ఈ సినిమా అంత తొందరగా రాదు" అంటూ చెప్పుకొచ్చాడు.