నారీ నారీ న‌డుమ ఇరుక్కున్న హీరో!

ఒక అమ్మాయి అబ్బాయి ప్రేమాయ‌ణం, ఇంత‌లోనే ఆ ఇద్ద‌రి మ‌ధ్య‌లో ప్ర‌వేశించే మ‌రో భామ‌.. ఆ త‌ర్వాత క‌థ ఎలాంటి మ‌లుపులు తిరుగుతుందో ఊహించ‌డం అంత సులువు కాదు. నారీ నారీ న‌డుమ న‌లిగిపోయే బుల్లోడి క‌థ చివ‌రికి ఊహించ‌ని ట్విస్టుల‌తో సాగుతుంది. ఇదిగో ఇక్క‌డ పోస్ట‌ర్ చూడ‌గానే అలాంటి చిక్కుల్లోనే ఉన్నాడు కొంటె బుల్లోడు అర్జున్ క‌పూర్.

అత‌డిని ర‌కుల్ ప్రీత్ సింగ్, భూమి పెడ్నేక‌ర్ చెరో వైపు బంధించేసారు. పైగా పెళ్లి ఊరేగింపుగా గుర్రాల‌పైకి ఎక్కి మ‌రీ అత‌డి రెక్క‌ల్ని చున్నీతో చుట్టేశారు. గాల్లోకి ఎగుర‌వేస్తున్నారు. ఇది ల‌వ్ ట్ర‌యాంగిల్ కాదు.. ల‌వ్ స‌ర్కిల్! అంటూ స్టాంప్ వేసి మ‌రీ స‌బ్ టైటిల్ వేసారు. ముక్కోణ ప్రేమ‌క‌థ కాద‌న్నారు కాబ‌ట్టి, ల‌వ్ రిమ్ జిమ్ అనే స‌ర్కిల్ లో ప‌డి అత‌డు ఎలా గిల‌గిలా కొట్టుకున్నాడో తెర‌పైనే చూడాలి.

`మేరే హస్బెండ్ కి బివి` పోస్టర్ ఇంటర్నెట్ లో సంచలనం సృష్టిస్తోంది. అర్జున్ క‌పూర్ కి ఇది రొమాంటిక్ కామెడీ జాన‌ర్ కావ‌డం ఆస‌క్తిక‌రం. ముగ్గురి మధ్య కెమిస్ట్రీ ఆక‌ట్టుకుంటోంది. ప్రేమ, డ్రామా, ఉత్కంఠ మిక్స్ తో ర‌క్తి క‌ట్టించే రొమాంటిక్ కామెడీ మూవీ ఇది. ఈ సినిమాని రకుల్ భర్త జాకీ భగ్నాని నిర్మించారు. ర‌కుల్ కి కొంత గ్యాప్ త‌ర్వాత ఆస‌క్తిక‌ర ప్రాజెక్ట్ కానుంది. పోస్ట‌ర్ ఆస‌క్తిని పెంచింది. ప్ర‌మోష‌న‌ల్ కంటెంట్ తో ఉత్సాహం పెంచ‌గ‌లిగితే భ‌గ్నానీల‌కు బ్రేక్ రావొచ్చు. ర‌కుల్ కి కూడా ఇది ఇంపార్టెంట్ సినిమా కాబ‌ట్టి కేర్ తీసుకుని ఉంటుంది. 2025 ఫిబ్రవరి 21న థియేటర్లలోకి రాబోతున్న `మేరే హస్బెండ్ కి బివి` విడుదల కోసం అభిమానులు ఆసక్తిగా ఎదురుచూస్తున్నారు. ఆసక్తి క‌లిగించే కంటెంట్ వ‌ర్క‌వుట్ అయితే మంచి ఆరంభ వ‌సూళ్ల‌ను ద‌క్కించుకునే వీలుంటుంది.