న‌యా డైరెక్ట‌ర్ తో స్టార్ హీరోయిన్ హ‌బ్బీ!

విక్కీ కౌశ‌ల్ బాలీవుడ్ జ‌ర్నీ గురించి చెప్పాల్సిన ప‌నిలేదు. డిఫ‌రెంట్ చిత్రాల‌తో త‌న‌కంటూ ప్ర‌త్యేక‌మైన ఇమేజ్ ని క్రియేట్ చేసుకున్నాడు. బాలీవుడ్ లో ఎంత‌మంది హీరోలున్నా? డిపెన్స్ పోర్స్ బ్యాక్ డ్రాప్ చిత్రాల్లో తానో స్పెష‌ల్ గా ప్రూవ్ అయ్యాడు. అలాగ‌ని అదే త‌ర‌హా చిత్రాల‌కు ప‌రిమితం కాలేదు. చేసే సినిమా ఏదైనా కంటెంట్ కొత్త‌గా ఉండేలా చూసుకుంటున్నాడు. అందుకే విక్కీ కౌశ‌ల్ అన‌తి కాలంలోనే స‌క్సెస్ అయ్యాడు.

ఇండ‌స్ట్రీలో త‌న‌కంటూ ప్ర‌త్యేక‌మైన గుర్తింపును ద‌క్కించుకున్నాడు. క‌త్రినా కైఫ్ ని ల‌వ్ లో పడేసి పెళ్లి చేసుకున్నాడు. త్వ‌ర‌లో ఛావా సినిమాతో ప్రేక్ష‌కుల ముందుకు రావ‌డానికి రెడీ అవుతున్నాడు. `ఛావా` మ‌రాఠా సామ్రాజ్యానికి సంబంధించిన క‌థ కావ‌డంతో అంద‌రిలోనూ ఆస‌క్తి ఉంది. ఇప్ప‌టికే రిలీజ్ అయిన ప్ర‌చార చిత్రాల‌తో భారీ అంచ‌నాలు నెల‌కొన్నాయి. శంభాజీ మ‌హారాజ్ పాత్ర‌లో బాక్సాఫీస్ ని షేక్ చేసేలా క‌నిపిస్తున్నాడు.

`ఛావా` కి పోటీగా ఏ సినిమా కూడా లేదు. అస‌లే స‌రైన హిందీ సినిమాలు లేక జ‌నాలు అల్లాడుతున్నారు. ఈ త‌రుణంలో రిలీజ్ అవుతోన్న ఛావా పాజిటివ్ టాక్ తెచ్చుకుంటే తిరుగుండ‌దు. ఈ సినిమా త‌ర్వాత `ల‌వ్ అండ్ వార్` తో ప్రేక్ష‌కుల‌ ముందుకొస్తాడు. అటుపై మ‌రో క్రేజీ డైరెక్ట‌ర్ సినిమాతో రిలీజ్ కి వ‌చ్చే అవ‌కాశం ఉంది. `ఏక్ ది టైగ‌ర్`, `బ‌జ‌రంగ్ భాయిజాన్` లాంటి చిత్రాల‌తో అలరించిన క‌బీర్ ఖాన్ తో సినిమా చేసేందుకు చ‌ర్చ‌లు జ‌రుపుతున్నాడు.

ఇప్పటికే ఇద్ద‌రి మ‌ధ్య స్టోరీ కి సంబంధించిన డిస్క‌షన్ కూడా ముగిసిందంటున్నారు. అప్లాజ్ ఎంట‌ర్ టైన్ మెంట్స్ ఈ చిత్రాన్ని నిర్మించ‌డానికి ముందుకు వ‌చ్చింది. ఇదే సంస్థ‌లో విక్కీ కౌవ‌ల్ మరో సినిమా కూడా చేస్తున్నాడు. ప్ర‌స్తుతం క‌బీర్ ఖాన్ `ది డిప్ల‌మాట్` చిత్రాన్ని తెరెక్కిస్తున్నాడు. ఇది పూర్తయిన‌ త‌ర్వాత విక్కీ సినిమా ప‌నుల్లో బిజీ అవుతాడు.