గులాబీ రేకులు మధ్య ప్రేమ పాట

హీరోగా మొదలుపెట్టి  విలన్ గా చేసి మళ్ళీ పూర్తి స్థాయి స్టార్ హీరోగా కెరియర్ ను లీడ్ చేస్తున్న గోపిచంద్ ఇప్పుడు వరుస సినిమాలతో ఈ ఏడాది రాబోతున్నాడు. గోపిచంద్ హీరోగా ‘గౌతమ్ నంద’ సినిమా షూటింగ్ ఒక పాట మినహా మిగతా షూటింగ్ అంతా పూర్తి చేశారట. ఈ సినిమాలో హన్సిక మొత్వాని హీరోయిన్ గా నటిస్తోంది. గోపి చంద్ కు చాలకాలంగా విజయం లేదు, హన్సికకు కూడా తెలుగులో చెప్పుకోదగ్గ సినిమా లేదు.  ఇప్పుడు వీళ్ళు నటిస్తున్న  ‘గౌతమ్ నంద’ సినిమాతో ఆ లోతు భర్తీ అవుతుంది అని ఆశిస్తున్నారు. ఈ సినిమా కోసం ఒక ప్రేమ పాటను అద్భుతంగా చిత్రీకరించినట్లు ఆ సినిమా టీమ్ చెబుతుంది.

కలత లేని భావానికి స్వచ్ఛమైన ప్రేమకు తెలుపు రంగు వాడుతూ ఉంటారు. అలాగే ప్రేమికులు అంత ప్రేమను తెలపడానికి వాడే పువ్వు గులాబీ. ఈ తెలుపు రంగును గులాబీ పువ్వు రేకులును వాడి అందమైన ఒక పాట ఉంటుందట ‘గౌతమ్ నంద’ సినిమాలో. గోపిచంద్ - హన్సిక తెల్లని డ్రెస్స్ లలో కనిపించి గులాబీ రేకులు దారల మధ్య రొమాంటిక్ సాంగ్ చేశారు. కొద్ది రోజులు కిందటనే ఈ పాట అన్నపూర్ణ స్టూడియోలో పెద్ద ఎత్తున వేసిన సెట్ లో షూటింగ్ చేశారు. ‘బోలె రామ్ బోలె రామ్’  అనే పాటను రామజోగయ్య రాయగా ఆ పదాలకు పాటకు రూపం ఇచ్చిన తమన్ చేసిన రాగానికి బృందా మాస్టర్ డాన్స్ కొంపోజ్ చేశారు.

గౌతమ్ నంద సినిమాను సంపత్ నంది డైరెక్ట్ చేస్తున్నాడు. గోపిచంద్ హన్సిక హీరో హీరోయిన్లుగా నటిస్తున్నారు. ఈ సినిమాకు సంగీతం యెస్ యెస్ తమన్ అందిస్తున్నాడు. శ్రీ బాలాజీ సినీ మీడియా నిర్మిస్తున్న ఈ సినిమాను జూలై రెండో వారం విడుదల చేయడానికి సిద్దం చేస్తున్నారు.​

Like Us on Facebook : https://www.facebook.com/Tupakidotcom/