'1 నేనొక్కడినే' చిత్రంతో హీరోయిన్ గా పరిచయమైన ఢిల్లీ భామ కృతి సనన్.. వెంటనే తెలుగులో 'దోచెయ్' సినిమా చేసింది. ఆ తర్వాత బాలీవుడ్ కు చెక్కేసిన ఈ బ్యూటీ.. అక్కడ అనతి కాలంలోనే స్టార్ హీరోయిన్ గా మారిపోయింది. ప్రస్తుతం ప్రభాస్ సరసన 'ఆదిపురుష్' చిత్రంలో నటిస్తోంది కృతి. అయితే అంతకంటే ముందుగానే ‘తోడేలు’ అనే చిత్రంతో తెలుగు ప్రేక్షకులను పలకరించబోతోంది.
వరుణ్ ధావన్ - కృతి సనన్ హీరోహీరోయిన్లుగా నటించిన క్రీచర్ కామెడీ చిత్రం 'భేడియా'. అమర్ కౌశిక్ దర్శకత్వంలో తెరకెక్కిన ఈ చిత్రాన్ని నవంబర్ 25న పాన్ ఇండియా స్థాయిలో రిలీజ్ చేయనున్నారు. తెలుగులో "తోడేలు" అనే పేరుతో మెగా ప్రొడ్యూసర్ అల్లు అరవింద్ తన గీతా ఆర్ట్స్ డిస్ట్రిబ్యూషన్ ద్వారా విడుదల చేస్తున్నారు. ఈ నేపథ్యంలో ప్రమోషన్స్ లో భాగంగా చిత్ర యూనిట్ హైదరాబాద్ లో ప్రెస్ మీట్ నిర్వహించారు.
ఈ సందర్భంగా కృతి సనన్ మాట్లాడుతూ.. '1 నేనొక్కడినే' సినిమాతో హీరోయిన్ గా ఎంట్రీ ఇచ్చాను. ఆ సినిమాకి మహేశ్ బాబు నాకు ఎంతో సహకారం అందించారు. ఆయన మంచి వ్యక్తి. చాలా ఏళ్ళ తర్వాత ఇప్పుడు 'తోడేలు' చిత్రంతో తెలుగు వారిని అలరించేందుకు సిద్ధమైనందుకు హ్యాపీగా ఉంది. ఈ చిత్రాన్ని కూడా మీ అందరూ ప్రేమిస్తారని అనుకుంటున్నాను అని పేర్కొంది.
ఈ క్రమంలో '1 నేనొక్కడినే' సినిమాలోని 'ఆవ్ తుజో మోగ్ కోర్టా' పాటకు డ్యాన్స్ చేసి అందరినీ ఆకట్టుకుంది కృతి సనన్. మీడియా ప్రతినిధులు అడిగిన ప్రశ్నలకు సమాధానాలు చెబుతూ.. తెలుగులో తన 'ఆదిపురుష్' కోస్టార్ డార్లింగ్ ప్రభాస్ అంటే తనకెంతో ఇష్టమని చెప్పింది . తెలుగులో 'పుష్ప' మరియు RRR సినిమాలు బాగా నచ్చాయని తెలిపింది. తనకు పాన్ ఇండియా ఒత్తిడి ఏమీ లేదని పేర్కొంది.
తెలుగు సినిమాతో నా కెరీర్ మొదలైంది. 'ఆదిపురుష్' షూటింగ్ అప్పుడు తెలుగులో మాట్లాడుతుంటే నటిగా తొలి అడుగులేసిన రోజులు గుర్తుకు వచ్చాయి. మేమంతా ఒక్కటే. మంచి సినిమాలు చేసి ప్రేక్షకుల్ని ఎంటర్టైన్ చేయడమే మా లక్ష్యం. పాన్ ఇండియా ప్రాజెక్టులో భాగమైనందుకు ఆనందిస్తున్నా. 'ఆదిపురుష్' కోసం ఆతృతగా ఎదురుచూస్తున్నానని కృతి చెప్పుకొచ్చింది.
ఈ సందర్భంగా బాలీవుడ్ స్టార్ వరుణ్ ధావన్ మాట్లాడుతూ 'భేడియా' సినిమా తెలుగులో విడుదలవుతున్నందుకు ఆనందంగా ఉందన్నారు. హైదరాబాద్ లో మూవీ లవర్స్ చాలా ఎక్కువ. ఇది నాకొక ఇల్లులా ఫీల్ అవుతున్నా. గతంలో నేను నటించిన 'స్ట్రీట్ డ్యాన్సర్ 3డీ' సినిమా తెలుగులోనూ విడుదలైంది. కాకపోతే అప్పుడు ఎక్కువగా ప్రమోట్ చేయలేదు. ఇప్పుడు గీతా ఆర్ట్స్ వల్ల ప్రమోషన్స్ చేయడానికి కుదిరింది అని వరుణ్ అన్నారు. ఈ సందర్భంగా 'పుష్ప' లోని 'తగ్గేదే లే' డైలాగ్ చెప్పి అలరించారు.
కాగా, కృతి సనన్ ప్రస్తుతం హిందీలో కార్తీక్ ఆర్యన్ సరసన 'షెహజాదా' అనే చిత్రంలో హీరోయిన్ గా నటిస్తోంది. ఇది బ్లాక్ బస్టర్ 'అల వైకుంఠపురములో' చిత్రానికి అధికారిక రీమేక్. గీతా ఆర్ట్స్ - హాసిని & హారిక క్రియేషన్స్ సంస్థలు నిర్మిస్తున్నాయి. అలానే టైగర్ ష్రాఫ్ తో 'గణపత్' అనే సినిమాలో కృతి నటిస్తోంది. వరుణ్ ధావన్ 'బవాల్' అనే చిత్రంలో హీరోగా నటిస్తున్నాడు. వరుణ్ మరియు కృతి కలిసి నటించిన ''తోడేలు'' సినిమా ఎలాంటి విజయాన్ని అందుకుంటుందో చూడాలి.
నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.
వరుణ్ ధావన్ - కృతి సనన్ హీరోహీరోయిన్లుగా నటించిన క్రీచర్ కామెడీ చిత్రం 'భేడియా'. అమర్ కౌశిక్ దర్శకత్వంలో తెరకెక్కిన ఈ చిత్రాన్ని నవంబర్ 25న పాన్ ఇండియా స్థాయిలో రిలీజ్ చేయనున్నారు. తెలుగులో "తోడేలు" అనే పేరుతో మెగా ప్రొడ్యూసర్ అల్లు అరవింద్ తన గీతా ఆర్ట్స్ డిస్ట్రిబ్యూషన్ ద్వారా విడుదల చేస్తున్నారు. ఈ నేపథ్యంలో ప్రమోషన్స్ లో భాగంగా చిత్ర యూనిట్ హైదరాబాద్ లో ప్రెస్ మీట్ నిర్వహించారు.
ఈ సందర్భంగా కృతి సనన్ మాట్లాడుతూ.. '1 నేనొక్కడినే' సినిమాతో హీరోయిన్ గా ఎంట్రీ ఇచ్చాను. ఆ సినిమాకి మహేశ్ బాబు నాకు ఎంతో సహకారం అందించారు. ఆయన మంచి వ్యక్తి. చాలా ఏళ్ళ తర్వాత ఇప్పుడు 'తోడేలు' చిత్రంతో తెలుగు వారిని అలరించేందుకు సిద్ధమైనందుకు హ్యాపీగా ఉంది. ఈ చిత్రాన్ని కూడా మీ అందరూ ప్రేమిస్తారని అనుకుంటున్నాను అని పేర్కొంది.
ఈ క్రమంలో '1 నేనొక్కడినే' సినిమాలోని 'ఆవ్ తుజో మోగ్ కోర్టా' పాటకు డ్యాన్స్ చేసి అందరినీ ఆకట్టుకుంది కృతి సనన్. మీడియా ప్రతినిధులు అడిగిన ప్రశ్నలకు సమాధానాలు చెబుతూ.. తెలుగులో తన 'ఆదిపురుష్' కోస్టార్ డార్లింగ్ ప్రభాస్ అంటే తనకెంతో ఇష్టమని చెప్పింది . తెలుగులో 'పుష్ప' మరియు RRR సినిమాలు బాగా నచ్చాయని తెలిపింది. తనకు పాన్ ఇండియా ఒత్తిడి ఏమీ లేదని పేర్కొంది.
తెలుగు సినిమాతో నా కెరీర్ మొదలైంది. 'ఆదిపురుష్' షూటింగ్ అప్పుడు తెలుగులో మాట్లాడుతుంటే నటిగా తొలి అడుగులేసిన రోజులు గుర్తుకు వచ్చాయి. మేమంతా ఒక్కటే. మంచి సినిమాలు చేసి ప్రేక్షకుల్ని ఎంటర్టైన్ చేయడమే మా లక్ష్యం. పాన్ ఇండియా ప్రాజెక్టులో భాగమైనందుకు ఆనందిస్తున్నా. 'ఆదిపురుష్' కోసం ఆతృతగా ఎదురుచూస్తున్నానని కృతి చెప్పుకొచ్చింది.
ఈ సందర్భంగా బాలీవుడ్ స్టార్ వరుణ్ ధావన్ మాట్లాడుతూ 'భేడియా' సినిమా తెలుగులో విడుదలవుతున్నందుకు ఆనందంగా ఉందన్నారు. హైదరాబాద్ లో మూవీ లవర్స్ చాలా ఎక్కువ. ఇది నాకొక ఇల్లులా ఫీల్ అవుతున్నా. గతంలో నేను నటించిన 'స్ట్రీట్ డ్యాన్సర్ 3డీ' సినిమా తెలుగులోనూ విడుదలైంది. కాకపోతే అప్పుడు ఎక్కువగా ప్రమోట్ చేయలేదు. ఇప్పుడు గీతా ఆర్ట్స్ వల్ల ప్రమోషన్స్ చేయడానికి కుదిరింది అని వరుణ్ అన్నారు. ఈ సందర్భంగా 'పుష్ప' లోని 'తగ్గేదే లే' డైలాగ్ చెప్పి అలరించారు.
కాగా, కృతి సనన్ ప్రస్తుతం హిందీలో కార్తీక్ ఆర్యన్ సరసన 'షెహజాదా' అనే చిత్రంలో హీరోయిన్ గా నటిస్తోంది. ఇది బ్లాక్ బస్టర్ 'అల వైకుంఠపురములో' చిత్రానికి అధికారిక రీమేక్. గీతా ఆర్ట్స్ - హాసిని & హారిక క్రియేషన్స్ సంస్థలు నిర్మిస్తున్నాయి. అలానే టైగర్ ష్రాఫ్ తో 'గణపత్' అనే సినిమాలో కృతి నటిస్తోంది. వరుణ్ ధావన్ 'బవాల్' అనే చిత్రంలో హీరోగా నటిస్తున్నాడు. వరుణ్ మరియు కృతి కలిసి నటించిన ''తోడేలు'' సినిమా ఎలాంటి విజయాన్ని అందుకుంటుందో చూడాలి.
నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.