ప్రేమ‌క‌థా చిత్రాల స్పెష‌లిస్టుగా హ‌ను రాఘ‌వ‌పూడిపై ముద్ర ఉంది. అందాల రాక్ష‌సి - కృష్ణ‌గాడి వీర ప్రేమ‌గాధ చిత్రాల ఘ‌న‌విజ‌యంతో అత‌డికో బ్రాండ్ ప‌డిపోయింది. అయితే తాను ప్రేమ‌క‌థ‌లే కాదు - అన్ని ర‌కాల చిత్రాల్ని తీయ‌గ‌ల‌న‌ని - అన్ని ర‌కాల జోన‌ర్ ల‌లో బ‌లంగానే ఉన్నాన‌ని హ‌ను ఛ‌మ‌త్క‌రించారు. ఇక అంత గొప్ప ప్రేమ‌క‌థ‌ల్ని ఎలా రాస్తారు? అలాంటి ప్రేమ‌క‌థ‌లు మీ జీవితంలో ఉన్నాయా? వాటినే క‌థ‌లుగా రాస్తున్నారా? అని ప్ర‌శ్నిస్తే ఆయ‌న షాకిచ్చే స‌మాధానమే ఇచ్చారు. ఎవ‌రైనా ఎక్కువగా జీవితంలో వేటిని అనుభ‌విస్తే వాటిపై వెగ‌టు పుడుతుంది. నా జీవితంలో అస్స‌లు ప్రేమ‌క‌థ‌లు లేవు. కానీ ప్రేమ ఇలా ఉంటే బావుంటుంది అనే ఆలోచ‌న‌లు మాత్రం ఉన్నాయి. అందుకే వాటిని ప్రేమ‌క‌థ‌లుగా మలిచి సినిమాలు తీస్తున్నాను.. అంటూ టాప్ సీక్రెట్ ని కొత్త‌గా రివీల్ చేశారు. ఇక ప్రేమ‌క‌థ‌ల‌న్నీ రొటీన్ గానే ఉంటాయి. వాటిని కొత్త ప్రేమ‌క‌థ అని పేరు పెడితే క‌రెక్ట్ కాద‌ని హ‌ను తన భావ‌న‌ను తెలియ‌జేశారు. శ‌ర్వానంద్ - సాయి ప‌ల్ల‌వి జంట‌గా అత‌డు తెర‌కెక్కించిన `ప‌డి ప‌డి లేచే మ‌న‌సు` ఈ శుక్ర‌వారం థియేట‌ర్ల‌లోకి వ‌స్తున్న సంగ‌తి తెలిసిదే. ఈ సందర్భంగా హైద‌రాబాద్‌ లో పాత్రికేయుల‌తో ముచ్చ‌టించిన హ‌ను తదుపరి ప్రాజెక్టుల గురించి రివీల్ చేశారు.
గ‌త కొంత‌కాలంగా నేచుర‌ల్ స్టార్ నాని కోసం కథ రాస్తున్నార‌ని వార్త‌లొస్తున్నాయి క‌దా? అని ప్ర‌శ్నిస్తే అవున‌ని అన్నారు. నాని కోసం మిలటరీ బ్యాక్ డ్రాప్ లో ఓ కథ రాస్తున్నా. ప్రాజెక్ట్ ఓకే అయ్యింది. కాకపోతే నాని గెటప్‌ ని పూర్తిగా మార్చాల్సి ఉంది. ఇలాంటివి సీజన్ ని బట్టి చెయ్యాలి. అంటే.. తన టైమ్‌ ని బట్టి - నా టైమ్‌ ని బట్టి వీలు చూసుకొని చెయ్యాల్సి ఉంటుంద‌ని హ‌ను అన్నారు.
మీ తదుపరి సినిమా ఏ బ్యానర్ లో ఉంటుంది ? కాస్టింగ్ ఎవ‌రు? అన్న ప్ర‌శ్న‌కు .. మైత్రి మూవీ మేక‌ర్స్ బ్యానర్ లో త‌ర్వాతి సినిమా ఉంటుంద‌ని - సమ్మర్ లో ఈ చిత్రం ప్రారంభం కానుంద‌ని తెలిపారు. అది కూడా లవ్ స్టోరీనే. దానిలో హీరో హీరోయిన్లు ఎవ‌రు అనేది ఇంకా అనుకోలేదు. త్వ‌ర‌లోనే దానికి సంబంధించిన ప్ర‌క‌ట‌న ఉంటుంది అని తెలిపారు. త‌న‌ని మ‌ణిర‌త్నం లా తెర‌కెక్కిస్తున్నారు అంటే అంత‌కుమించిన కాంప్లిమెంట్ వేరొక‌టి లేద‌ని హ‌ను రాఘ‌వ‌పూడి ఇంట‌ర్వ్యూ లో ఆనందం వ్య‌క్తం చేశారు.
గ‌త కొంత‌కాలంగా నేచుర‌ల్ స్టార్ నాని కోసం కథ రాస్తున్నార‌ని వార్త‌లొస్తున్నాయి క‌దా? అని ప్ర‌శ్నిస్తే అవున‌ని అన్నారు. నాని కోసం మిలటరీ బ్యాక్ డ్రాప్ లో ఓ కథ రాస్తున్నా. ప్రాజెక్ట్ ఓకే అయ్యింది. కాకపోతే నాని గెటప్‌ ని పూర్తిగా మార్చాల్సి ఉంది. ఇలాంటివి సీజన్ ని బట్టి చెయ్యాలి. అంటే.. తన టైమ్‌ ని బట్టి - నా టైమ్‌ ని బట్టి వీలు చూసుకొని చెయ్యాల్సి ఉంటుంద‌ని హ‌ను అన్నారు.
మీ తదుపరి సినిమా ఏ బ్యానర్ లో ఉంటుంది ? కాస్టింగ్ ఎవ‌రు? అన్న ప్ర‌శ్న‌కు .. మైత్రి మూవీ మేక‌ర్స్ బ్యానర్ లో త‌ర్వాతి సినిమా ఉంటుంద‌ని - సమ్మర్ లో ఈ చిత్రం ప్రారంభం కానుంద‌ని తెలిపారు. అది కూడా లవ్ స్టోరీనే. దానిలో హీరో హీరోయిన్లు ఎవ‌రు అనేది ఇంకా అనుకోలేదు. త్వ‌ర‌లోనే దానికి సంబంధించిన ప్ర‌క‌ట‌న ఉంటుంది అని తెలిపారు. త‌న‌ని మ‌ణిర‌త్నం లా తెర‌కెక్కిస్తున్నారు అంటే అంత‌కుమించిన కాంప్లిమెంట్ వేరొక‌టి లేద‌ని హ‌ను రాఘ‌వ‌పూడి ఇంట‌ర్వ్యూ లో ఆనందం వ్య‌క్తం చేశారు.