డిజాస్టర్ వచ్చినా.. అవకాశాలు వస్తున్నాయి

కొందరి దర్శకుల అదృష్టం ఏమిటో గాని ఎన్ని అపజయాలు అందుకున్నా కూడా వెంటనే మరొక అవకాశాన్నీ అందుకుంటూనే ఉంటారు. సాధారణంగా ఒక దర్శకుడికి అపజయం ఎదురైతే దాన్ని మర్చిపోయి మరో కథను తెరకెక్కించడానికి చాలా సమయం తీసుకుంటాడు. కానీ టాలీవుడ్ లో ఒక దర్శకుడి లక్ మాత్రం చాలా వెరైటీ గా ఉంది. సినిమా డిజాస్టర్ అయిన కొన్ని రోజులకే మరో అవకాశాన్ని అందుకున్నాడు. అతను ఇప్పటి వరకు తీసిన మూడు సినిమాలు ఆడియన్స్ ని పూర్తిగా మెప్పించలేకపోయాయి.

అయినా కూడా ఇప్పుడు మరో మంచి హీరోని పట్టేసి సినిమాను తీయడానికి రెడీ అయ్యాడు. అతను ఎవరో కాదు అందాల రాక్షసి తో మొదటి అపజయాన్ని అందుకున్న హను రాఘవపూడి. ఆ సినిమా పూర్తి స్థాయిలో హిట్ కాలేదు. ఆ తర్వాత నానితో కృష్ణ గాడి వీర ప్రేమగాద సినిమాను తీసినా ఆ సినిమా కూడా చాలా వరకు నెగిటివ్ కామెంట్స్ అందుకుంది. నాని తన పర్ఫెమెన్స్ తో లాక్కొచ్చాడు అని చెప్పవచ్చు. దర్శకత్వంలో కథలో ఏమి కొత్తదనం ఉండదు. ఇక ఆ సినిమా హిట్ అయ్యింది అని బయటకు ప్రచారాన్ని బాగా చేయడంతో నితిన్ తో లై సినిమాను తీశాడు.

నితిన్ మార్కెట్ కు మించిన బడ్జెట్ కూడా ఆ సినిమాకు పెట్టారు. అయితే ఫైనల్ గా సినిమా  బిగ్గెస్ట్ డిజాస్టర్స్ లో ఒకటిగా నిలిచింది. అయితే హను అపజయాలతో సంబంధం లేకుండా మరో అవకాశం దక్కించుకోవడం ఇప్పుడు ఇండస్ట్రీలో చర్చనీయాంశంగా మారింది. శ్రీ లక్ష్మి వెంకటేశ్వర సినీ క్రియేషన్స్ వారు శర్వానంద్ తో నిర్మించే సినిమాకు హను దర్శకత్వం వహిస్తున్నాడు. రేపు రామానాయుడు స్టూడియోలో ఈ సినిమా లాంచ్ కానుంది. మరి ఇసారైనా హను తన దర్శకత్వ ప్రతిభను నిరూపించుకుంటాడో లేదో చూడాలి.