ఈ ఏడాది అయినా హిట్‌ ఇస్తారా.?

2018లో స్టార్‌ హీరోలంతా బాగా పర్‌ ఫార్మ్‌ చేశారు. కానీ కొంతమంది మాత్రం బీభత్సంగా డిజప్పాయింట్‌ చేశారు. అందులో అందరికంటే ముందున్నాడు స్టైలిష్‌ స్టార్‌ అల్లు అర్జున్. బన్నీ.. నా పేరు సూర్య, నా ఇల్లు ఇండియా డిజాస్టర్‌ అయ్యింది. ఎంతలా అంటే.. ఇప్పుడు ఏ కథతో సినిమా చేస్తే హిట్‌ వస్తుందో తెలీక.. దాదాపు ఆరు నెలల నుంచి అల్లు అర్జున్‌ ఖాళీగా ఉండేంతగా. అందుకే.. కొత్త ఏడాదిలో హిట్‌ కొట్టాలని ఆశ పడుతున్న బన్నీ.. సేఫ్‌ గేమ్‌ ఆడడం మొదలుపెట్టాడు. మాటల మాంత్రికుడు త్రివిక్రమ్‌తో మూవీ చేయబోతున్నాడు.

2018లో నాని రెండు సినిమాలు రిలీజ్‌ చేశాడు. అందులో ఒకటి కృష్ణార్జున యుద్ధం. రెండేళ్ల నుంచి అసలు ఫ్లాప్‌ అనే పదమే తెలీకుండా దూసుకుపోతున్న నానిని.. ఒక్కసారిగా లాంగి కిందపారేసింది కృష్ణార్జున యుద్ధం. దీంతో.. కథల ఎంపికలో కాస్త జాగ్రత్తగా ఉండాల్సిందేనని ఫిక్స్ అయ్యాడు నాని. కృష్ణార్జున యుద్ధం తర్వాత నాగార్జునతో కలిసి దేవదాస్‌ సినిమా చేశాడు. అయితే..ఈ సినిమా హిట్‌ మొత్తం నాగార్జున ఎక్కౌంట్‌ లో పడింది. దీంతో.. ఇప్పుడు మనోడు తానేంటో నిరూపించుకోవాల్సిన పరిస్థితి. అందుకే..  తన లేటెస్ట్‌ ఫిల్మ్‌ జెర్సీ పైనే బోలెడన్నీ హోప్స్ పెట్టుకున్నాడు.

సాయిధరమ్‌ తేజ్‌ ఫ్లాపుల్లో డబుల్‌ హ్యాట్రిక్‌ కొట్టేశాడు. అర్జెంట్‌ గా సాయికి హిట్‌ కావాలి. లేదంటే… గతంలో మనకు సాయిధరమ్‌ తేజ్‌ అనే హీరో ఉండేవాడని చెప్పుకోవాల్సిన పరిస్థితి వస్తుంది. అందుకే.. మంచి కాంబినేషన్స్‌ సెట్‌ చేస్తున్నాడు. త్వరలో పరశురామ్‌ తో ఓ సినిమా చేయబోతున్నాడు. ఈ ఏడాదైతే.. కచ్చితంగా హిట్ కొట్టాల్సిందేనని ఫిక్స్‌ అయ్యాడు సాయి ధరమ్‌  తేజ్‌. మరి.. అల్లు అర్జున్‌, నాని, సాయి ధరమ్‌ తేజ్‌ లకు కొత్త ఏడాదైనా కలిసొస్తుందో లేదో చూడాలి.