దిల్ రాజేమో నానిని ఎన్టీఆర్.. ఏఎన్నార్.. చిరంజీవి లాంటి లెజెండ్స్ సరసన చేర్చి మాట్లాడుతూ ఆకాశానికెత్తేస్తే.. నానియేమో సరదాగానే దిల్ రాజుకు పెద్ద పంచ్ వేసేశాడు. ఇండస్ట్రీలో దిల్ రాజుకు ఉన్న గుడ్ విల్ లో ఆయన పాత్ర తక్కువే అంటున్నాడు నాని. వేరే వాళ్ల కష్టాన్ని రాజు తనదిగా చెప్పుకుని క్రెడిట్ తీసేసుకుంటున్నాడంటూ చమత్కరించాడు నాని.
‘నేను లోకల్’ ఆడియో వేడుకలో నాని మాట్లాడుతూ.. ‘‘దిల్ రాజు గారి గురించి అందరూ గొప్పగా చెబుతుంటారు. కానీ ఎస్వీసీ బేనర్లో వచ్చే సినిమాలకు సంబంధించి రాజు గారు కష్టపడేది పది శాతమే. మిగతా 90 శాతం కష్టం శిరీష్.. లక్ష్మణ్.. హర్షిత్.. వీళ్లదే ఉంటుంది. కానీ బయట క్రెడిట్ మొత్తం దిల్ రాజు గారే తీసుకుంటారు. ఇది అన్యాయం’’ అని వ్యాఖ్యానించాడు నాని. ఇలా అంటూనే దిల్ రాజుతో పని చేయాలని చాలా ఏళ్లుగా ఎదురు చూస్తున్నానని.. ఆ కోరిక ఇప్పటికి తీరిందని నాని అన్నాడు.
హీరోయిన్ కీర్తి సురేష్ గురించి నాని మాట్లాడుతూ.. ‘‘ఇంతకుముందు నేను పని చేసిన హీరోయిన్ల విషయంలో ఈ అమ్మాయి ఇంకొంచెం బాగా పెర్ఫామ్ చేస్తే బాగుంటుందే అనుకునేవాడిని. కానీ కీర్తి సురేష్ విషయంలో మాత్రం ఈ అమ్మాయేంట్రా ఇంత బాగా పెర్ఫామ్ చేస్తోంది అనుకున్నా. అంతమంచి పెర్ఫామర్ తను. టాలీవుడ్లో చాలా పెద్ద హీరోయిన్ గా ఎదుగుతుందామె’’ అన్నాడు. ప్రసన్న కుమార్ కథ వినిపించినపుడే చాలా ఎంజాయ్ చేశానని.. సినిమా పెద్ద హిట్టవుతుందనిపించిందని.. ఆ కథను త్రినాథ్ చాలా బాగా తెరకెక్కించాడని నాని కితాబిచ్చాడు.
‘నేను లోకల్’ ఆడియో వేడుకలో నాని మాట్లాడుతూ.. ‘‘దిల్ రాజు గారి గురించి అందరూ గొప్పగా చెబుతుంటారు. కానీ ఎస్వీసీ బేనర్లో వచ్చే సినిమాలకు సంబంధించి రాజు గారు కష్టపడేది పది శాతమే. మిగతా 90 శాతం కష్టం శిరీష్.. లక్ష్మణ్.. హర్షిత్.. వీళ్లదే ఉంటుంది. కానీ బయట క్రెడిట్ మొత్తం దిల్ రాజు గారే తీసుకుంటారు. ఇది అన్యాయం’’ అని వ్యాఖ్యానించాడు నాని. ఇలా అంటూనే దిల్ రాజుతో పని చేయాలని చాలా ఏళ్లుగా ఎదురు చూస్తున్నానని.. ఆ కోరిక ఇప్పటికి తీరిందని నాని అన్నాడు.
హీరోయిన్ కీర్తి సురేష్ గురించి నాని మాట్లాడుతూ.. ‘‘ఇంతకుముందు నేను పని చేసిన హీరోయిన్ల విషయంలో ఈ అమ్మాయి ఇంకొంచెం బాగా పెర్ఫామ్ చేస్తే బాగుంటుందే అనుకునేవాడిని. కానీ కీర్తి సురేష్ విషయంలో మాత్రం ఈ అమ్మాయేంట్రా ఇంత బాగా పెర్ఫామ్ చేస్తోంది అనుకున్నా. అంతమంచి పెర్ఫామర్ తను. టాలీవుడ్లో చాలా పెద్ద హీరోయిన్ గా ఎదుగుతుందామె’’ అన్నాడు. ప్రసన్న కుమార్ కథ వినిపించినపుడే చాలా ఎంజాయ్ చేశానని.. సినిమా పెద్ద హిట్టవుతుందనిపించిందని.. ఆ కథను త్రినాథ్ చాలా బాగా తెరకెక్కించాడని నాని కితాబిచ్చాడు.