బాలయ్య కోసం భీకర విలన్స్.. భారీ ఫైట్స్ సిద్ధమా..?

తెలుగు ఇండస్ట్రీలో నటసింహం బాలకృష్ణ గత కొంతకాలంగా అభిమానులను నిరాశపరుస్తూ.. ఎన్టీఆర్ కథానాయకుడు, మహానాయకుడు మరియు రూలర్ సినిమాలలో నటించాడు. ప్రస్తుతం బాలయ్య బాబుకు తప్పనిసరి హిట్ కొట్టాల్సిన పరిస్థితి ఏర్పడింది. ఈసారి బాలయ్య తనకు రెండు హిట్లిచ్చిన బోయపాటి శ్రీను దర్శకత్వంలో ముచ్చటగా మూడోసారి సినిమా చేస్తున్నాడు. గతంలో వీరి కాంబినేషన్‌లో వచ్చిన సింహా, లెజెండ్‌ సినిమాలు అద్భుతమైన విజయాలను సాధించటంతో ఈ సినిమాపైన భారీ అంచనాలు నెలకొన్నాయి. బాలయ్య అభిమానులకు బోయపాటి అంటే మంచి నమ్మకంతో పాటు ప్రత్యేక అభిమానం ఉంది. ఎందుకంటే బోయపాటి వేరే హీరోలను ఎలా చూపించినా బాలయ్యను మాత్రం ఓ రేంజ్ లో చూపిస్తాడని వాళ్ల అభిప్రాయం.. అదే నిజం కూడా.

బోయపాటితో చేసే సినిమాలో బాలయ్య నడకలో మాటలో డైలాగ్స్ యాక్షన్ అంతా కూడా హై రేంజ్ లో ఉంటాయి. వీరి కాంబినేషన్లో రూపొందిన సింహ లెజెండ్ సినిమాలు ఇండస్ట్రీ రికార్డులను తిరగరాసాయి. ఇక ఇటీవలే బాలయ్య కోసం హీరోయిన్ ని ఓకే చేశామని.. త్వరలోనే ఆమె పేరును వెల్లడిస్తాం అని బోయపాటి తెలిపాడు. ఇక తాజా సమాచారం ప్రకారం.. బాలయ్య కోసం బోయపాటి పవర్ ఫుల్ విలన్లను ఎంపిక చేస్తున్నాడట. అందులో ఓ విలన్ గా హీరో శ్రీకాంత్ నటిస్తుండగా.. మరో విలన్ కోసం బాలీవుడ్ ఇండస్ట్రీలో గాలింపు మొదలు పెట్టాడట డైరెక్టర్. ఈ సినిమాలో సింహ లెజెండ్ సినిమాలకు మించి భారీ ఫైట్ సీక్వెన్స్ రూపొందిస్తున్నారట చిత్రయూనిట్. ఈ మూవీని పక్కా మాస్ మసాలా అంశాలతో భారీ కమర్షియల్ సినిమాగా తీర్చిదిద్దుతున్నాడట బోయపాటి. ఇక ఈ సినిమాను మిర్యాల రవీందర్ రెడ్డి నిర్మిస్తుండగా, తమన్ సంగీతం అందిస్తున్నాడు.