టీజ‌ర్ టాక్: జాతిర‌త్నాన్ని కృష్ణ పూనాడు

ఏజెంట్ సాయి శ్రీ‌నివాస ఆత్రేయ జాతి ర‌త్నంగా మారాడు. అత‌డికి పూన‌కం వ‌స్తే ఇక అంతేగా.. ఏకంగా సూప‌ర్ స్టార్ కృష్ణ పూనుతాడు. ఆ త‌ర్వాత ర‌చ్చ మామూలుగా ఉండ‌దు..

ఇదీ సింపుల్ గా ఈ టీజ‌ర్ క‌హానీ. ఏజెంట్ ఆత్రేయ‌ నవీన్ పాలిషెట్టి న‌టిస్తున్న తాజా చిత్రం `జాతి ర‌త్నాలు`. ప్రియదర్శి పులికొండ- రాహుల్ రామకృష్ణ ప్ర‌ధాన పాత్ర‌లు పోషిస్తున్నారు. మహానటి నిర్మాతల నుండి వస్తున్న చిత్ర‌మిది.

జోగిపేట శ్రీకాంత్ గా మొదటి జాతి రత్నం నవీన్ పోలిషెట్టిని పరిచయం చేస్తూ రిలీజ్ చేసిన ఈ టీజ‌ర్ ఆద్యంతం ఫ‌న్ క్రియేట్ చేస్తోంది. పేరుకే జాతిర‌త్నం కానీ అత‌డు ఉండేది జైల్లో అని తెలిస్తే ఖంగు తినాల్సిందేగా. ఇంత‌కీ ఈ జాతి ర‌త్నం ఏం నేరం చేసి జైల్లో ప‌డ్డాడో?టీజర్ ప్ర‌కారం.. నవీన్ పోలిషెట్టి ఈ చిత్రంలో ఖైదీ కం మిస్ట‌రీ మ్యాన్ గా మరో ఫ‌న్నీ ప్లెజెంట్ పాత్రను పోషిస్తున్నార‌ని అర్థ‌మ‌వుతోంది. అత‌డిలో కామిక్ టైమింగ్ ఈ సినిమాకి ప్ల‌స్ కానుంది. ఇక అత‌డి డైలాగ్ తీరు బాడీ లాంగ్వేజ్ ని బ‌ట్టి సూప‌ర్ స్టార్ కృష్ణ క్లాసిక్ స్టైల్ ని ఇమ్మిటేట్ చేశార‌ని అర్థ‌మ‌వుతోంది.

నవీన్ పుట్టినరోజున టీజర్ తో ఇలా ఫిలిం మేకర్స్ శుభాకాంక్షలు తెలిపారు. అనుదీప్ కె వి దర్శకత్వం వహిస్తున్న ఈ సినిమాని స్వ‌ప్న సినిమా పతాకంపై నాగ్ అశ్విన్ నిర్మిస్తున్నారు. జాతి రత్నాలు త్వరలో థియేటర్లలో విడుదల కానుంది.

Full View