'శంకర్ - చరణ్' సినిమాకి మ్యూజిక్ డైరెక్టర్ అతనేనా..?

షో మ్యాన్ శంకర్‌ దర్శకత్వంలో మెగా పవర్ స్టార్ రామ్ చరణ్ హీరోగా ఓ సినిమా తెరకెక్కనున్న విషయం తెలిసిందే. శ్రీ వెంకటేశ్వర క్రియేషన్స్ బ్యానర్ పై దిల్ రాజు - శిరీష్ ఈ చిత్రాన్ని నిర్మించనున్నారు. ఇది దిల్ రాజు బ్యానర్ లో వస్తున్న ఈ 50వ సినిమా.. చరణ్ కెరీర్ లో 15వ సినిమా కావడం గమనార్హం. ప్రస్తుతం సాంకేతిక నిపుణులు నటీనటుల ఎంపిక జరుగుతున్న ఈ చిత్రానికి మ్యూజిక్ డైరెక్టర్ గా ఎవరిని తీసుకుంటారనేది ఆసక్తికరంగా మారింది. అయితే తాజాగా సినీ వర్గాల్లో వినిపిస్తున్న టాక్ ప్రకారం యువ సంగీత దర్శకుడు అనిరుధ్ ఈ చిత్రానికి సంగీతం సమకూర్చానున్నాడని తెలుస్తోంది.

శంకర్ - కమల్ హాసన్ కాంబోలో స్టార్ట్ అయిన 'ఇండియన్-2' చిత్రానికి అనిరుధ్ మ్యూజిక్ డైరెక్టర్ గా వర్క్ చేసాడు. అనిరుధ్ పనితనాన్ని మెచ్చిన డైరెక్టర్ శంకర్ ఇప్పుడు చరణ్ తో చేయబోయే సినిమాకి కూడా  అతన్నే తీసుకున్నట్లు టాక్ నడుస్తోంది. తమిళ్ లో స్టార్ మ్యూజిక్ డైరెక్టర్ అయిన అనిరుధ్.. తెలుగులో పవన్ కళ్యాన్ 'అజ్ఞాతవాసి' - నాని 'గ్యాంగ్ లీడర్'మరియు 'జెర్సీ' సినిమాలకు సంగీతాన్ని అందించిన సంగతి తెలిసిందే. ఈ క్రమంలో పాన్ ఇండియా లెవల్ లో రూపొందే 'RC15' కి సంగీతం అందించనున్నాడని అంటున్నారు. ఇందులో ఎంత వరకు నిజముందో తెలియాలంటే అధికారిక ప్రకటన వచ్చే వరకు ఆగాల్సిందే.